భారతదేశంలో ఆన్లైన్ వీడియో వీక్షకుల సంఖ్య భారీగా పెరగనుంది. ఇది 2020 కల్లా 50 కోట్లకు చేరుతుందని సెర్చ్ ఇంజిన్ దిగ్గజం గూగుల్ అంచనా వేసింది. గూగుల్ విడుదల చేసిన నివేదిక ప్రకారం... మూడో వంతు సెర్చ్లు వినోదాత్మక వీడియోలకు సంబంధించినవే.
గత రెండు సంవత్సరాల్లో జీవనశైలి, విద్య, వ్యాపారానికి సంబంధించిన సెర్చింగ్ 1.5 నుంచి 3 రెట్లు పెరిగింది.
వినియోగదారులు సమాచారం సేకరించటం, కొనుగోలు నిర్ణయాలు తీసుకోవటాన్ని ఆన్లైన్ వీడియోలు మార్చుతున్నాయి. కార్లు కొనాలనుకునే 80 శాతం మంది వీటిని ఆశ్రయిస్తున్నారు. - గూగుల్ నివేదిక
భారతీయ భాషలే కావాలి
వాయిస్ సెర్చ్లలో క్రితం ఏడాదిలో పోల్చితే 270 శాతం వృద్ధి కనబడింది. గూగుల్ను ఆశ్రయించే ప్రతి 10 మందిలో 9 మంది భారతీయ భాషలను వాడేవారున్నారు.
ప్రతి సంవత్సరం 4కోట్ల మంది కొత్తగా అంతర్జాల వాడకాన్ని ప్రారంభిస్తున్నారు. ఇది ప్రపంచంలోనే అత్యధికం. ఒక్కో వినియోగదారుడు నెలకు సగటుగా 8 జీబీ డాటాను వాడుతున్నాడు. ఇది అభివృద్ధి చెందిన దేశాలతో సమానం.
నాన్-మెట్రో నగరాల్లోనే అధికం
మెట్రోయేతర నగరాల్లో అంతర్జాల వృద్ధి మెట్రోల కంటే ఎక్కువగా ఉంది. మెట్రోయేతర నగరాల్లో ప్రజలు బీమా, సౌందర్య సాధనాలు, ప్రయాణాల గురించి శోధిస్తున్నారు.
