'పెట్టుబడుల ఉపసంహరణకు ఇది సరైన సమయం'

దేశ ఆర్థిక వ్యవస్థ ప్రస్తుత ఆర్థిక సంవత్సరం ద్వితీయార్థంలో మెరుగవ్వొచ్చని నీతి ఆయోగ్(Niti Aayog ) అంచనా వేసింది. దీనితో 2021-22లో రెండంకెల వృద్ధి రేటును నమోదు చేసే అవకాశం ఉందని కూడా పేర్కొంది. పెట్టుబడుల ఉపసంహరణకు ప్రస్తుత పరిస్థితులు సానుకూలంగా ఉన్నట్లు వివరించింది.

ప్రస్తుత ఆర్థిక సంవత్సరంలో భారత్​.. రెండంకెల వృద్ధి రేటు(India Growth rate) నమోదు చేస్తుందని నీతి ఆయోగ్(Niti Aayog ) ఆశాభావం వ్యక్తం చేస్తుంది. 2021-22 ద్వితీయార్ధంలో ఆర్థిక కార్యకలాపాలు మెరుగవుతాయని.. ఫలితంగా వృద్ధి పుంజుకుంటుందని నీతి ఆయోగ్​ వైస్​ ఛైర్మన్​ రాజీవ్​ కుమార్​ పేర్కొన్నారు.

భారత్ పరిస్థితి చాలా బలంగా ఉందని.. ప్రస్తుత పరిస్థితులు పెట్టుబడుల ఉపసంహరణకు మెరుగ్గా ఉన్నాయని తెలిపారు రాజీవ్​ కుమార్​.

"వ్యయాల కోసం మరిన్ని నిధులు సమీకరించాల్సిన పరిస్థితి వస్తే.. ప్రభుత్వం ఆ దిశగా అడుగులు వేయొచ్చు. ఎందుకంటే ఆ నిర్ణయాలు మరిన్ని ప్రైవేటు పెట్టుబడులను ఆకర్షించే అవకాశం ఉంది."

- రాజీవ్​ కుమార్​, నీతి ఆయోగ్​ వైస్​ ఛైర్మన్​

కరోనా ముడో దశ(Corona Third wave) వచ్చినా.. ఎదుర్కొనేందుకు భారత్​ సిద్ధంగా ఉందన్నారు రాజీవ్​ కుమార్​. రాష్ట్రాలు కూడా కరోనాను ఎదుర్కొనే విషయంలో అనేక పాఠాలు నేర్చుకున్నాయని వెల్లడించారు.

ఇదీ చదవండి:టీకా పంపిణీ, ఉద్దీపన ప్యాకేజీలతో ఆర్థిక వృద్ధి!