'మాంద్యం ఉన్నప్పటికీ వేగంగా పుంజుకుంటుంది'

ప్రపంచ ఆర్థిక మందగమనం నేపథ్యంలో భారత వృద్ధి రేటు 2019-20 ఆర్థిక సంవత్సరంలో 6 శాతంగా అంచనా వేసింది ప్రపంచ బ్యాంకు. మాంద్యం ఉన్నప్పటికీ వృద్ధి తిరిగి వేగంగా పుంజుకుంటుందని అభిప్రాయపడింది.

ఆర్థిక మందగమనం నేపథ్యంలో ఇప్పటికే ఆర్​బీఐ సహా పలు సంస్థలు భారత్‌ వృద్ధిరేటు తగ్గించాయి. తాజాగా ప్రపంచ బ్యాంకు కూడా వాటి సరసన చేరింది. 2019-20 ఆర్థిక సంవత్సరంలో భారత్‌ వృద్ధి రేటును 6.9 శాతం నుంచి 6 శాతానికి తగ్గిస్తున్నట్లు ప్రకటించింది. అయితే క్రమంగా తిరిగి పుంజుకుంటుందని తెలిపింది.

" భారత్​ ఇప్పటికీ వేగంగా అభివృద్ధి చెందుతోన్న ఆర్థికివ్యవస్థ. ఆర్థిక మందగమనం ప్రభావం పడినా.. భారత్​ వృద్ధిరేటు ప్రపంచంలోని చాలా దేశాల కంటే ఎక్కువగా ఉంది. "

- హాన్స్​ టిమ్మెర్​, ప్రపంచ బ్యాంక్, దక్షిణ ఆసియా​ ముఖ్య ఆర్థికవేత్త