కేంద్ర ఆర్థిక మంత్రి నిర్మలా సీతారామన్ హల్వా ఉత్సవం నిర్వహించారు. ఈ కార్యక్రమంలో ఆర్థిక శాఖ సహాయ మంత్రి అనురాగ్ ఠాకూర్, ఆర్థిక కార్యదర్శి సుభాశ్ చంద్ర గార్గ్ సహా పలువురు ఉన్నతాధికారులు పాల్గొన్నారు.
'హల్వా' ఉత్సవంలో కేంద్ర ఆర్థిక మంత్రి
బడ్జెట్ పత్రాల ముద్రణకు ముందు ప్రతి ఏటా ఈ హల్వా ఉత్సవం జరపడం రివాజుగా వస్తోంది. ఒక పెద్ద కడాయిలో హల్వా తయారు చేసి అందరికీ పంచుతారు. ఈ కార్యక్రమం మొదలైనప్పటి నుంచి పార్లమెంటులో బడ్జెట్ ప్రవేశపెట్టేవరకు ముద్రణలో పాల్గొనే అధికారులకు బాహ్య ప్రపంచంతో సంబంధాలు తెగిపోతాయి.
ఫోన్, ఈ-మేయిల్ లాంటి సౌకర్యాలు కూడా ఉండవు. కార్యదర్శి స్థాయి అధికారులు మినహా ఎవరు ఇళ్లకు వెళ్లేందుకు వీలుండదు. బడ్జెట్కు సంబంధించిన విషయాల్లో గోప్యత కోసం ఈ నిబంధనలు విధిస్తుంది ఆర్థిక శాఖ.
ఇదీ చూడండి: మీ బీమా ఏజెంట్కు లైసెన్స్ ఉందా.?
