దేశంలో చమురు ధరలు ఆకాశాన్నంటాయి. ఈ నేపథ్యంలో పెట్రోల్, డీజిల్పై ఎక్సైజ్ సుంకం రూ. 8.5 వరకు తగ్గించే అవకాశం ప్రభుత్వం చేతుల్లో ఉందని నిపుణులు చెబుతున్నారు. సుంకం తగ్గించినా చమురుపై విధించే పన్ను ద్వారా వచ్చే ఆదాయాలపై ప్రభావం ఉండబోదని అంటున్నారు.
"ఎక్సైజ్ సుంకాలను తగ్గించకపోతే.. 2022 ఆర్థిక సంవత్సరంలో(ఏప్రిల్ 2021-మార్చి 2022) ప్రభుత్వ ఆదాయం రూ.4.35 లక్షల కోట్లుగా ఉంటుంది. ఇది ప్రభుత్వం 2021 బడ్జెట్లో అంచనా వేసిన రూ. 3.2 లక్షల కోట్ల ఆదాయం కన్నా ఎక్కువ. ఒకవేళ 2021 ఏప్రిల్ 1 లోగా లీటరు పెట్రోల్, డీజిల్పై రూ. 8.5 ఎక్సైజ్ సుంకాన్ని తగ్గించినా.. ప్రభుత్వం అంచనా వేసిన ఆదాయం వస్తుంది" అని ఐసీఐసీఐ సెక్యూరిటీస్ పేర్కొంది.
2020 మార్చి-మే మధ్యలో లీటరు పెట్రోల్పై రూ. 13, లీటరు డీజిల్పై రూ. 16 చొప్పున ఎక్సైజ్ సుంకాన్ని పెంచింది కేంద్రం. ప్రస్తుతం లీటరు పెట్రోల్పై రూ. 31.8, డీజిల్పై రూ. 32.9 సుంకాన్ని విధిస్తున్నారు.
గత 9 నెలల నుంచి చమురు ధరలు పెరుగుతున్నాయి. ఈ తరుణంలో ప్రభుత్వంపై తీవ్ర విమర్శలు వెల్లువెత్తుతున్నాయి. ఎక్సైజ్ సుంకాలను తగ్గించాలని పలు వర్గాల నుంచి డిమాండ్ వినిపిస్తోంది.
ఇదీ చదవండి:తగ్గిన పసిడి ధర.. వెండి కాస్త ప్రియం
