దేశవ్యాప్త లాక్డౌన్తో డీలాపడ్డ రాష్ట్రాలకు అండగా నిలిచే ప్రయత్నం చేసింది కేంద్ర ప్రభుత్వం. 2020-21గాను రాష్ట్రాల రుణ పరిమితిని జీఎస్డీపీలో 3 శాతం నుంచి 5 శాతానికి పెంచింది. దీని వల్ల రూ. 4.28 లక్షల కోట్లు అదనంగా అందుబాటులో ఉంటాయని కేంద్ర ఆర్థికమంత్రి నిర్మలా సీతారామన్ తెలిపారు.
కేంద్రం లెక్కలు...
- 2020-21కు గానూ రాష్ట్రాల రుణ పరిమితి రూ. 6.41లక్షల కోట్లు.(3శాతం జీఎస్డీపీ ఆధారంగా)
- ఇందులోని 75శాతాన్ని 2020 మార్చిలోనే అన్ని రాష్ట్రాలకు అందించాము.
- రాష్ట్రాలు ఇప్పటివరకు తీసుకున్న రుణాలు 14శాతం. 86 శాతం ఇంకా వినియోగించుకోలేదు.
ఇప్పటికే చేసిన సహాయం...
"కేంద్ర ఆదాయం కూడా భారీగా క్షీణించింది. అయినప్పటికీ రాష్ట్రాల అవసరాలను గుర్తించి.. సహాయం చేస్తున్నాం" అని తెలిపారు విత్త మంత్రి.
- ఏప్రిల్ నెలలోని పన్నుల వాటా కింద రూ.46,038కోట్లు రాష్ట్రాలకు అందించాం.
- ఏప్రిల్, మే నెలకు గానూ రాష్ట్రాలకు ఆదాయం లోటును(రూ.12,390కోట్లు) మంజూరు చేశాం.
- ఎస్డీఆఎఫ్ నిధులను(రూ.11,092కోట్లు) ముందుగానే, ఏప్రిల్ మొదటి వారంలో విడుదల చేశాం.
- కరోనాయేతర కార్యకలాపాల కోసం ఆరోగ్య శాఖ నుంచి రూ. రూ.4,113కోట్లు విడుదల చేశాం.
