ఎస్ బ్యాంక్ ప్రమోటర్ రానా కపూర్ మనీలాండరింగ్ కేసుకు సంబంధించి రిలయన్స్ గ్రూప్ ఛైర్మన్ అనిల్ అంబానీ.. ఎన్‌ఫోర్స్‌మెంట్ డైరెక్టరేట్ (ఈడీ) విచారణకు హాజరయ్యారు.
ఈ కేసుకు సంబంధించి విచారణకు హాజరుకావాలంటూ ..ఈ నెల 16న అనిల్ అంబానీకి ఈడీ సమన్లు జారీ చేసింది. అయితే వ్యక్తిగత కారణాల వల్ల మినహాయింపునివ్వాలని అనిల్ అంబానీ కోరగా ఇవాళ హాజరుకావాలని ఆదేశించింది. ఈ నేపథ్యంలో అనిల్ అంబానీ ఈడీ ఎదుట ఇవాళ విచారణకు హాజరయ్యారు.
ఎస్ బ్యాంకు నుంచి రిలయన్స్ గ్రూపు సంస్థలు సుమారు రూ.12,800 కోట్ల రుణాలను పొందాయి. సకాలంలో చెల్లించని కారణంగా అవి నిరర్ధక ఆస్తుల జాబితాలోకి చేరాయి. ఈ నేపథ్యంలోనే ఈడీ అధికారులు అనిల్ అంబానీకి సమన్లు జారీ చేశారు.
ఇదీ చూడండి:టిక్‌..టిక్‌.. టిక్‌.. మాంద్యంలోకి జారుకుంటున్నామా?
