ఈ ఎడాది సెప్టెంబర్లోనూ వొడాఫోన్-ఐడియా, భారతీ ఎయిర్టెల్లు భారీగా యూజర్లను కోల్పోయాయి. ఈ రెండు సంస్థలకు కలిపి సెప్టెంబర్లో 49 లక్షల మంది యూజర్లు దూరమైనట్లు టెలికాం నియంత్రణ సంస్థ ట్రాయ్ వెల్లడించింది.
జియో మాత్రం సెప్టెంబర్లో 69.83 లక్షల మంది కొత్త యూజర్లను దక్కించుకున్నట్లు ట్రాయ్ గణాంకాల్లో వెల్లడైంది.
సెప్టెంబర్ నెలలో మొత్తం.. వైర్లెస్ (జీఎస్ఎం, సీడీఎంఐ, ఎల్టీఈ)చందాదార్లు 117.37 కోట్లకు పెరిగారు. ఈ సంఖ్య ఆగస్టు ముగింపు నాటికి 117.1కోట్లుగా ఉంది.
పట్టణ ప్రాంతాల్లో వైర్లెస్ చందాదారుల సంఖ్య 65.91 కోట్లకు తగ్గగా.. గ్రామీణ ప్రాంతాల్లో 51.45 కోట్లకు పెరిగింది.
నెట్వర్క్ల వారీగా చూస్తే సెప్టెంబర్ చివరి నాటికి గణాంకాలు..
- సెప్టెంబర్లో వొడాఫోన్-ఐడియా అత్యధికంగా 25.7 లక్షల మంది యూజర్లను కోల్పోయింది.
- భారతీ ఎయిర్టెల్కు సెప్టెంబర్లో 23.8 లక్షల మంది వినియోగదారులు తగ్గారు
- సెప్టెంబర్లో 69.83 లక్షల మంది కొత్తగా రిలయన్స్ జియోను ఎంచుకున్నారు.
- ప్రభుత్వ రంగ టెలికాం సంస్థలు.. బీఎస్ఎన్ఎల్ 7.37 లక్షల యూజర్లను సెప్టెంబర్లో పెంచుకుంది. అయితే ఎంటీఎన్ఎల్ మాత్రం 8,717 మంది యూజర్లు కోల్పయింది.
సెప్టెంబర్ నాటికి మొత్తం యూజర్లు.. మార్కెట్ వాటా
| టెలికాం సంస్థ | మొత్తం యూజర్లు | మార్కెట్ వాటా |
| వొడాఫోన్-ఐడియా | 37.24 కోట్లు | 31.73 శాతం |
| భారతీఎయిర్టెల్ | 32.55 కోట్లు | 27.74 శాతం |
| రిలయన్స్ జియో | 35.52 కోట్లు | 30.26 శాతం |
| బీఎస్ఎన్ఎల్ | 11.69 కోట్లు | - |
| ఎంటీఎన్ఎల్ | 33.93 లక్షలు | - |
