టిక్​టాక్ డెడ్​లైన్ పొడగించే ప్రసక్తే లేదు: ట్రంప్

గత నెల విధించిన గడువులోపే టిక్​టాక్​ను అమెరికా సంస్థలకు విక్రయించాలని మరోసారి స్పష్టం చేశారు అధ్యక్షుడు డొనాల్డ్ ట్రంప్. ఇందుకు గడువు పెంచే యోచన లేదని వెల్లడించారు.

ప్రముఖ షార్ట్ వీడియో యాప్ టిక్​టాక్​ను అమెరికా సంస్థలకు విక్రయించేందుకు గడువు పెంచే ప్రసక్తే లేదని అధ్యక్షుడు డొనాల్డ్ ట్రంప్ తేల్చి చెప్పారు. సెప్టెంబర్ 15 వరకు విధించిన గడువు లోపు టిక్​టాక్​ యాజమాన్య హక్కులు అమెరికా సంస్థలకు విక్రయించకుంటే.. యాప్​పై నిషేధం తప్పదని ట్రంప్ గత నెల డెడ్​లైన్ విధించి విషయం తెలిసిందే.

టిక్​టాక్ కొనుగోలు కోసం దాని మాతృసంస్థ బైట్​డ్యాన్స్​ చర్చలు జరుపుతున్నట్లు టెక్​ దిగ్గజం మైక్రోసాఫ్ట్ వెల్లడించగా.. ఇంత వరకు ఆ రెండు సంస్థల మధ్య ఒప్పందం కుదరలేదు.

ఈ నేపథ్యంలో టిక్​టాక్ అమెరికాలో పూర్తిగా మూత పడుతుందా.. గడువులోపు ఏదైనా సంస్థకు విక్రియిస్తుందా? అనేది వేచిచూడాలి.

ఇదీ చూడండి:చైనా ఒప్పుకుంటేనే టిక్‌టాక్‌ విక్రయం?