ప్రముఖ షార్ట్ వీడియో యాప్ టిక్టాక్ సీఈఓ కెవిన్ మేయర్ తన పదవికి రాజీనామా చేశారు. టిక్టాక్ వ్యాపారాలను విక్రయించాలని అమెరికా నుంచి ఒత్తిడి పెరుగుతుండటం ఇందుకు కారణంగా తెలుస్తోంది.
వేగంగా మారుతున్న రాజకీయ పరిణామాలతో తాను ఈ నిర్ణయం తీసుకున్నట్లు సంస్థ ఉద్యోగులకు రాసిన లేఖలో కెవిన్ పేర్కొన్నారు.
భద్రత పరమైన కారణాలతో టిక్టాక్ను అమెరికాలో నిషేధించే దిశగా.. అధ్యక్షుడు డొనాల్డ్ ట్రంప్ ఇటీవల చర్యలు ముమ్మరం చేశారు. టిక్టాక్ వ్యాపారాలను విక్రయించేందుకు దాని మాతృసంస్థ బైట్డ్యాన్స్కు 90 రోజుల గడువు విధించారు. ఈ పరిణామాల నేపథ్యంలో కెవిన్ టిక్టాక్ను వీడటం గమనార్హం.
మే నెలలోనే టిక్టాక్ సీఈఓగా ఆయన బాధ్యతలు స్వీకరించారు.
ఇదీ చూడండి:100బిలియన్ డాలర్లు దాటిన మస్క్ సంపద
