దేశంలోని అగ్రగామి సబ్బు తయారీ కంపెనీలు వాటి ఉత్పత్తులపై ధరలు తగ్గిస్తున్నాయి. అమ్మకాలకు మరింత ఊతమిచ్చేందుకు ఈ నిర్ణయం తీసుకున్నాయి.
ప్రముఖ సబ్బు బ్రాండ్లు లక్స్, లైఫ్బాయ్లపై గతనెలలోనే ధరలు తగ్గించింది హిందూస్థాన్ యూనిలివర్ సంస్థ.
"కొంత కాలంగా ముడి సరుకుల ధరలు స్థిరంగా ఉన్నాయి. ఈ కారణంగా లక్స్, లైఫ్బాయ్ సబ్బుల ధరలపై 4-6 శాతం కోత విధించాం. కొన్ని ప్యాక్లపై అదనపు తగ్గింపునూ ఇస్తున్నాం." -హెచ్యూఎల్
సంతూర్ సబ్బుల ధరలపైనా ఇదే నిర్ణయం తీసుకుంది తయారీ సంస్థ 'విప్రో కన్జూమర్ కేర్'.
"ముడి సరుకుల ధరల సానుకూలతల ప్రయోజనాలను వినియోగదారులకు అందించేందుకు.. సబ్బుల ధరలు తగ్గించాం. ఇది అమ్మకాలు పెరిగేందుకు దోహదపడుతుందని విశ్వసిస్తున్నాం." -అనిల్ ఛుగ్, విప్రో కన్జూమర్ కేర్ అధ్యక్షుడు
మరో ప్రముఖ సంస్థ 'ఐటీసీ' తమ సబ్బు ఉత్పత్తులపై ధరలు తగ్గించింది. గత నెల నుంచి ఈ సంస్థ కొన్ని ప్యాక్లను ప్రత్యేక తగ్గింపుతో విక్రయిస్తోంది.
ఇదీ చూడండి: 2019-20లో జీడీపీ వృద్ధి 6.7 శాతమే!
