కేంద్ర పద్దుపై అంచనాలతో స్టాక్ మార్కెట్లు గత వారం భారీ ఒడుదొడుకులు ఎదుర్కొన్నాయి. వారం రోజుల్లో మొత్తం 1,877 పాయింట్లు నష్టపోయింది బీఎస్ఈ-సెన్సెక్స్. బడ్జెట్ నేపథ్యంలో ఒక్క చివరి సెషన్లోనే 987 పాయింట్లు కోల్పోయింది.
గత వారం నష్టాలతో మార్కెట్ క్యాపిటలైజేషన్(ఎం క్యాప్) పరంగా 10 అత్యంత విలువై కంపెనీల్లో ఏడింటకి రూ.1.89 లక్షల కోట్లు నష్టం వాటిల్లింది. వాటిలో రిలయన్స్ ఇండస్ట్రీస్ అత్యధికంగా రూ.87,732.8 కోట్లు కోల్పోయింది. ప్రస్తుతం ఈ సంస్థ ఎం క్యాప్ రూ.8,76,906.57 కోట్లుగా ఉంది.
ఇతర కంపెనీల నష్టాలు (గత వారం) ఇలా..
| కంపెనీ | నష్టం రూ.కోట్లలో | ప్రస్తుతం ఎం క్యాప్ రూ.కోట్లలో |
| హెచ్డీఎఫ్సీ | 31,148.4 | 3,92,618.14 |
| హెచ్డీఎఫ్సీబ్యాంక్ | 24,736 | 6,56,888.50 |
| ఐసీఐసీఐ బ్యాంక్ | 19,044.7 | 3,26,410.37 |
| ఎస్బీఐ | 18,652.4 | 2,70,549.60 |
| టీసీఎస్ | 7,317.15 | 8,12,428.81 |
| ఇన్ఫోసిస్ | 1,149.83 | 3,32,280.10 |
10లో మూడు కంపెనీల లాభం(గత వారం)..
| కంపెనీ | లాభం రూ.కోట్లలో | ప్రస్తుత ఎంక్యాప్ రూ.కోట్లలో |
| భారతీ ఎయిర్టెల్ | 2,392.15 | 2,71,332.15 |
| కోటక్ బ్యాంక్ | 1,182.02 | 3,15,346.61 |
| హెచ్యూఎల్ | 119.07 | 4,48,895.43 |
గత వారం భారీ నష్టాన్ని మూటగట్టుకున్నప్పటికీ పది దిగ్గజ సంస్థల్లో పూర్తి ఎంక్యాప్ పరంగా రిలయన్స్ ఇండస్ట్రీస్ అగ్రస్థానంలో నిలిచింది. ఆ తర్వాతి స్థానంల్లో టీసీఎస్, హెచ్డీఎఫ్సీ బ్యాంక్, హెచ్యూఎల్, హెచ్డీఎఫ్సీ, ఇన్ఫోసిస్, ఐసీఐసీఐ బ్యాంక్, కోటక్ మహీంద్రా బ్యాంక్, భారతీ ఎయిర్టెల్, ఎస్బీఐలు ఉన్నాయి.
ఇదీ చూడండి:బడ్జెట్ 2020: సామాన్యులపై ప్రభావం ఎంత?
