దేశంలోని అతిపెద్ద ప్రభుత్వ రంగ బ్యాంకింగ్ దిగ్గజం 'భారతీయ స్టేట్ బ్యాంక్(ఎస్బీఐ)' ప్రస్తుత ఆర్థిక సంవత్సరం మూడో త్రైమాసికంలో భారీ వృద్ధి నమోదు చేసింది. 2019-20 డిసెంబర్తో ముగిసిన త్రైమాసికంలో బ్యాంక్ నికర లాభం 41 శాతం పెరిగి.. రూ.6,797.25 కోట్లు గడించింది. అంతకు ముందు 2018-19 ఆర్థిక సంవత్సరం మూడో త్రైమాసికంలో ఎస్బీఐ లాభం రూ.4,823.29 కోట్లుగా ఉంది.
ఎస్బీఐ చరిత్రలో ఇదే అత్యధిక త్రైమాసిక లాభమని వెల్లడించారు బ్యాంకు అధికారులు.
ఆదాయంలో వృద్ధి ఇలా..
ప్రస్తుత ఆర్థిక సంవత్సరం క్యూ3లో ఎస్బీఐ ఏకీకృత ఆదాయం రూ.95,384.28 కోట్లుగా నమోదైంది. గత ఆర్థిక సంవత్సరం ఇదే సమయంలో బ్యాంక్ ఆదాయం రూ.84,390.14 కోట్లు.
ఎన్పీఏలు తగ్గాయ్..
ప్రస్తుత ఆర్థిక సంవత్సరం చివరి త్రైమాసికంలో ఎస్బీఐ స్థూల ఎన్పీఏలు, 6.94 శాతానికి, నికర ఎన్పీఏలు 2.65 శాతానికి తగ్గాయి. అంతకు ముందు అర్థిక సంవత్సరం ఇదే సమయంలో స్థూల ఎన్పీఏలు 8.71 శాతంగా, నికర ఎన్పీఏలు 3.95 శాతంగా ఉన్నాయి.
