దక్షిణ కొరియాకు చెందిన ఎలక్ట్రానిక్ దిగ్గజం శాంసంగ్.. ఇటీవల విడుదల చేసిన ఎస్20 సిరీస్ మోడళ్ల ధరలను ప్రకటించింది. ఎస్20 ప్రారంభ ధర రూ.66,999, ఎస్20 ప్లస్ ధర రూ.73,999, గెలాక్సీ ఎస్20 ఆల్ట్రా ధర రూ.92,999గా నిర్ణయించినట్లు వెల్లడించింది.
ఈ మోడళ్లను అధికారిక వెబ్సైట్ ద్వారా ప్రీ బుకింగ్ చేసుకోవచ్చని తెలిపింది శాంసంగ్. భారత్లో ఎస్20 సిరీస్ మొబైళ్లను మార్చి 6న డెలివరీ చేయనున్నట్లు వెల్లడించింది.
గెలాక్సీ ఎస్20 మోడల్ను ప్రీ బుకింగ్ చేసుకునే వినియోగదారులు.. 'గెలాక్సీ బడ్స్ ప్లస్' కొనుగోలు చేసే వీలుంది. బడ్స్ప్లస్ ధరను రూ.2,999 గా నిర్ణయించింది శాంసంగ్. గెలాక్సీ ఎస్20 ప్లస్, ఎస్20 ఆల్ట్రాలను ప్రీ బుకింగ్స్ చేసుకునే వారికి రూ.1,999కే బడ్స్+ను ఇవ్వనున్నట్లు తెలిపింది.
ఎస్20 సిరీస్ ఫీచర్లు..
- 5జీ కనెక్టివిటీ
- ఆర్టిఫీషియల్ ఇంటెలిజెన్స్ కెమెరా
- ఎస్ 20, ఎస్ 20 ప్లస్లలో 64 ఎంపీ కెమెరా
- ఎస్ 20 ఆల్ట్రాలో 108 ఎంపీ కెమెరా
- హార్డ్వేర్ ఆధారిత దాడుల నుంచి రక్షించే సరికొత్త, సురక్షితమైన ప్రాసెసర్
ఇదీ చూడండి:ఆన్లైన్లో ఆర్డర్ చెయ్.. ప్రత్యక్షంగా వెళ్లి కొనేయ్!
