రిలయన్స్ సంస్థల ఛైర్మన్ ముఖేశ్ అంబానీకి అంతర్జాతీయ స్థాయిలో మరో గౌరవం దక్కింది. ప్రఖ్యాత టైమ్స్ మ్యాగజైన్ విడుదల చేసిన అత్యంత ప్రభావశీలురు-2019 జాబితాలో అంబానీకి చోటు లభించింది. ఎల్జీబీటీక్యూ హక్కుల కోసం న్యాయ పోరాటం చేసిన అరుందతి కాట్జు, మేనకా గురుస్వామిలకూ జాబితాలో ఉన్నారు.
ఈ జాబితాలో వివిధ రంగాలకు చెందిన ప్రముఖులున్నారు.
- అమెరికా అధ్యక్షుడు డొనాల్డ్ ట్రంప్, పోప్ ఫ్రాన్సిస్
- చైనా అధ్యక్షుడు జిన్పింగ్
- పాకిస్థాన్ ప్రధాని ఇమ్రాన్ ఖాన్
- ఫేస్బుక్ వ్యవస్థాపకుడు మార్క్ జుకర్బర్గ్
- గోల్ఫ్ దిగ్గజం టైగర్వుడ్స్
- భారత సంతతికి చెందిన హాస్యనటుడు, టీవీ వ్యాఖ్యాత హసన్ మినాజ్
అభినందనల వెల్లువ
అంబానీకి గౌరవం దక్కటం పట్ల మహింద్రా సంస్థల ఛైర్మన్ ఆనంద్ మహింద్రా శుభాకాంక్షలు తెలిపారు. ఇక నుంచి ఆయన మరింత ఉత్తేజంతో ముందుకు సాగుతారని ఆశాభావం వ్యక్తం చేశారు.
అరుంధతి, మేనకాలకు టైమ్స్ జాబితాలో చోటు లభించడంపై ప్రముఖ బాలీవుడ్ నటి ప్రియాంకా చోప్రా సంతోషం వ్యక్తం చేశారు. సమాజంలో పురోగతికై వీరిద్దరు చేసిన న్యాయ పోరాటం చిరస్థాయిగా నిలిచిపోతుందని కొనియాడారు ప్రియాంక.
