పంజాబ్ నేషనల్ బ్యాంక్ కేసులో నిందితుడు, వజ్రాల వ్యాపారి మెహుల్ ఛోక్సీకి ఆంటిగ్వా ప్రభుత్వం షాకిచ్చింది. న్యాయపరమైన ఉల్లంఘనలకు పాల్పడినందుకు ఆ దేశం కల్పించిన పౌరసత్వాన్ని రద్దు చేస్తున్నట్టు ఆంటిగ్వా ప్రధాని గ్యాస్టన్ బ్రౌన్ ప్రకటించారు. ఫలితంగా ఛోక్సీని భారత్కు అప్పగించేందుకు మార్గం సులువైంది.
"ఆయన(ఛోక్సీ) పౌరసత్వాన్ని మేం రద్దు చేస్తున్నాం. ఆయన్ను భారత్కు పంపించివేస్తాం. మా దేశం నేరస్థులకు ఆశ్రయం ఎన్నటికీ కాబోదు. అయితే మొదటగా మేం ఇందుకు అంగీకరించలేదు. కానీ ఛోక్సీ న్యాయపరమైన అంశాలను ఉల్లంఘించారు. అందుకే మేం ఈ నిర్ణయం తీసుకున్నాం."
-గ్యాస్టన్ బ్రౌన్, ఆంటిగ్వా ప్రధాని
పీఎన్బీ కుంభకోణం కేసులో ఛోక్సీతో పాటు ఆయన అల్లుడు, ప్రముఖ వజ్రాల వ్యాపారి నీరవ్ మోదీ ఆరోపణలు ఎదుర్కొంటున్నారు. బ్యాంకును రూ.13,400 కోట్లు మోసం చేశారన్న ఆరోపణలపై సీబీఐ, ఈడీ దర్యాప్తు చేస్తున్నాయి. నీరవ్ మోదీ బ్రిటన్కు పారిపోగా అక్కడి ప్రభుత్వం ఇటీవలే అరెస్టు చేసింది.
సమాచారం లేదు: భారత్
మీడియాలో వస్తున్న కథనాలపై భారత్ స్పందించింది. ఆంటిగ్వా ప్రభుత్వం నుంచి ఎలాంటి సమాచారం రాలేదని భారత విదేశాంగ మంత్రి జైశంకర్ చెప్పారు.
- ఇదీ చూడండి: ఇక బాదుడే: గీత దాటితే లక్ష వరకు జరిమానా!
