రిలయన్స్ రిటైల్లో అంతర్జాతీయ ఈక్విటీ సంస్థ కేకేఆర్ భారీగా పెట్టుబడులు పెట్టనుంది. రిలయన్స్ రిటైల్ వెంచర్స్ లిమిటెడ్ (ఆర్ఆర్వీఎల్)లో రూ.5,550 కోట్లతో 1.28 శాతం వాటాను కొనుగోలు చేయనుందని రిలయన్స్ ఇండస్ట్రీస్ వెల్లడించింది.
రిలయన్స్ సంస్థలో కేకేఆర్ వాటా కొనుగోలు చేయటం ఇది రెండోసారి. ఇప్పటికే రిలయన్స్ జియోలో రూ.11,367 కోట్లు పెట్టుబడులు పెట్టింది. అంతర్జాతీయ వేదికలో కేకేఆర్తో కలిసి పనిచేయటం సంతోషంగా ఉందని రిలయన్స్ అధినేత ముఖేశ్ అంబానీ వెల్లడించారు.
జియో తర్వాత రిటైల్ వ్యాపారంలో పెట్టుబడులపై రిలయన్స్ దృష్టి సారించింది. ఇప్పటికే సిల్వర్ లేక్ సంస్థ రిలయన్స్ రిటైల్ వ్యాపారాల్లో రూ.7.5వేల కోట్ల పెట్టుబడితో 1.75 శాతం వాటాను దక్కించుకుంది. దీనితో పాటు రిలయన్స్, ప్రముఖ ఈ కామర్స్ సంస్థ అమెజాన్ మధ్య 20 బిలియన్ డాలర్ల డీల్కు ఇరు సంస్థలు చర్చిస్తున్నట్లు వార్తలొస్తున్నాయి.
ఇదీ చూడండి: రిలయన్స్ రిటైల్లోకి మరో భారీ పెట్టుబడి!
