దక్షిణా కొరియాకు చెందిన ప్రముఖ ఆటోమొబైల్ కంపెనీ కియా.. భారత్లో అధికారికంగా పేరు మార్చుకున్నట్లు సోమవారం ప్రకటించింది. ఇకపై కంపెనీని కియా ఇండియాగా వ్యవహరించనున్నట్లు తెలిపింది. ఇంతకు ముందు కియా మోటార్స్ పేరుతో భారత్లో కార్యకలాపాలు సాగించింది ఈ సంస్థ.
కంపెనీ బ్రాండ్కు ప్రత్యేక గుర్తింపునిచ్చేందుకు పేరు మార్చినట్లు కియా పేర్కొంది. అంతర్జాతీయ మార్కెట్లో ఇదివరకే కియా మోటార్స్ పేరును కియా కార్పొరేషన్గా మార్చుకోవడం గమనార్హం.
ఆంధ్రప్రదేశ్లోని అనంతపురంలో ఉన్న ప్లాంట్కు లోగోను మార్చినట్లు వెల్లడించింది కియా ఇండియా. డీలర్షిప్లకు దశల కొత్త పేరు, లోగోతో బోర్డులు మార్చనున్నట్లు వెల్లడించింది.
ఇదీ చదవండి:త్వరలో భారత్కు బెనెలీ బడ్జెట్ బైక్!
