వాల్మార్ట్ ఆధీనంలోని ఈ కామర్స్ దిగ్గజం ఫ్లిప్కార్ట్ వీడియో స్ట్రీమింగ్ సర్వీసులను ప్రారంభించింది. ఈ సేవల కోసం ప్రస్తుతమున్న మొబైల్ యాప్ను అప్డేట్ చేసుకోవాలని వెల్లడించింది ఫ్లిప్కార్ట్.
ఆమెజాన్ ప్రైమ్, నెట్ఫ్లిక్స్ల మాదిరిగా.. వినియోగదారులు ఎంపిక చేసిన, వారుకోరుకున్న వీడియో కంటెంట్ను చూసే వీలు కల్పిస్తున్నట్లు పేర్కొంది. వీడియో కంటెంట్ కోసం డైస్ మీడియా, టీవీఎఫ్, వూట్ వంటి సంస్థలతో ఒప్పందం కుదుర్చుకున్నట్లు పేర్కొంది. రానున్న రోజుల్లో కొత్త కంటెంట్ను తీసుకురానున్నట్లు ఫ్లిప్కార్ట్ ఇటీవల ఓ ప్రకటనలో తెలిపింది.
వీడియో సర్వీసులు పొందడం ఎలా?
వీడియోస్ట్రీమింగ్‌ సర్వీసును ఉపయోగించుకునేందుకు వినియోగదారులు వీ6.17 వెర్షన్‌ యాప్ను డౌన్‌లోడ్‌ చేసుకోవాలి. ఒక సారి మీ యాప్ అప్డేట్ అయితే మీరు ఈ సర్వీసును హ్యామ్‌బర్గర్‌ మెనూలోకి వెళ్లి వాడుకోవచ్చు. ప్రస్తుతానికి ఈ వీడియో కంటెంట్ను ప్రకటనలు లేకుండానే అందిస్తోంది ఫ్లిప్కార్ట్.
ఇదీ చూడండి: బందర్ వజ్రాల గనిలో త్వరలోనే తవ్వకాలు
