ఈ-కామర్స్ దిగ్గజాలు ఫ్లిప్కార్ట్, అమెజాన్లు ప్రకటించిన పండుగ సీజన్ ఆఫర్లు రేపటి నుంచి ప్రారంభం కానున్నాయి. ఫ్లిప్కార్ట్ బిగ్ బిలియన్ డేస్, అమెజాన్ గ్రేట్ ఇండియా ఫెస్టివల్ ఆఫర్లు ఈ నెల 29 నుంచి అక్టోబర్ 4 వరకు అందుబాటులో ఉండనున్నాయి. మరి ఈ రెండు సంస్థల ప్రత్యేక ఆఫర్లేంటో తెలుసుకోండి ఇప్పుడే.
ఫ్లిప్కార్ట్ 'బిగ్ బిలియన్ డేస్' ఆఫర్లు..
ఈ ప్రత్యేక ఆఫర్లో అన్ని కేటగిరీల్లోని ఉత్పత్తులపై డిస్కౌంట్ అందిస్తోంది ఫ్లిప్కార్ట్. అయితే మొబైల్స్‌, ఇతర ఎలక్ట్రానిక్ ఉత్పత్తులపై.. డిస్కౌంట్లను సేల్‌ ప్రారంభమైన ఒక రోజు తర్వాత (సెప్టెంబర్ 30న) ప్రకటించనుంది.
బిగ్బిలియన్ డేస్ ఆఫర్ సందర్భంగా ఐసీఐసీఐ బ్యాంకు, యాక్సిస్ బ్యాంకులతో కలిసి 10 శాతం ప్రత్యేక డిస్కౌంట్ ఇవ్వనున్నట్లు ఫ్లిప్కార్ట్ వెల్లడించింది. ఫ్లిప్కార్ట్లో మొదటి సారి గృహోపకరణాలపై బీమా అందిస్తున్నట్లు తెలిపింది.
ఫ్లిప్కార్ట్ ప్లస్ చందాదారులకు ఈ ఆఫర్ నాలుగు గంటల ముందే వినియోగించుకునేందుకు వీలు కలిపిస్తున్నట్లు తెలిపింది. ఈ సారి సేల్‌లో తొలిసారిగా చేతి వృత్తిదారులు, చేనేత కళాకారులు తమ ఉత్పత్తులను ఫ్లిప్కార్ట్లో విక్రయించే సదుపాయాన్ని కల్పిస్తోంది ఫ్లిప్కార్ట్.
అమెజాన్ గ్రేట్ ఇండియా ఫెస్టివల్ ఆఫర్లు...
అమెజాన్ గ్రేట్ ఇండియా ఫెస్టివల్ ప్రత్యేక తగ్గింపు ఆఫర్లు ప్రైమ్ వినియోగదారులకు ఇవాళ మధ్యాహ్నం 12 గంటల నుంచే అందుబాటులోకి రానున్నాయి. సాధారణ యూజర్లకు అర్ధరాత్రి నుంచి ఆఫర్లు వినియోగించే అవకాశం కల్పిస్తోంది అమెజాన్.
ఫ్లిప్కార్ట్కి పోటీగా.. స్మార్ట్ ఫోన్లపై ప్రత్యేక ఆఫర్లు ఇవ్వనుంది అమెజాన్. వీటితో పాటు వన్ప్లస్ టీవీ, వన్ప్లస్ స్మార్ట్ ఫోన్ సహా పలు ప్రత్యేక బ్రాండ్లను పరిచయం చేయనుంది అమెజాన్.
ఎస్బీఐ డెబిట్కార్డ్తో కొనుగోలు చేసేవారికి 10 శాతం అదనపు తగ్గింపు ఇవ్వనున్నట్లు అమెజాన్ ఇప్పటికే ప్రకటించింది.
ఇదీ చూడండి: బంపర్ ఆఫర్: మారుతీ 'బాలెనో ఆర్ఎస్'పై భారీ తగ్గింపు
