Swami Chatbot Sabarimala Pilgrimage : శబరిమల దర్శన అనుభవాన్ని మరింత మెరుగుపరచడానికి కేరళలోని పతనంతిట్ట జిల్లా అధికారులు చర్యలు తీసుకుంటున్నారు. అందులో భాగంగా ముతూట్ గ్రూప్తో కలిసి అత్యాధునిక డిజిటల్ అసిస్టెంట్ "స్వామి" ఏఐ చాట్బాట్ను ప్రారంభించారు. శబరిమలకు వచ్చే భక్తులకు రియల్ టైమ్ సమాచారం అందించేందుకు, వారి సందేహాలకు సమాధానాలు, భద్రత అందించడమే లక్ష్యంగా ఈ చాట్బాట్ను అభివృద్ధి చేశారు.
అన్ని వర్గాల భక్తులు సులభంగా ఉపయోగించుకునేందుకు వీలుగా యూజర్ ఫ్రెండ్లీ ఇంటర్ఫేస్తో ఈ యాప్ను సిద్ధం చేశారు. ఆలయం తెరిచే సమయం, ప్రసాదం, పూజ సమయాలు వంటి సమాచారాన్ని- భక్తులు ఇంగ్లిష్, హిందీ, మలయాళం, తెలుగు, తమిళం, కన్నడ భాషల్లో ఈ చాట్బాట్ అందిస్తుంది. అంతేకాకుండా తమ దగ్గర్లో ఉన్న దేవాలయాలు, ఎయిర్పోర్టులు, రైల్వే స్టేషన్లు, బస్స్టాప్ల వివరాలను భక్తులకు అందిస్తుంది.
'స్పెషల్ సేఫ్టీ టూల్'
మండలం-మకరవిలక్కు యాత్రా సీజన్లో శబరిమలలో అయ్యప్ప భక్తుల తాకిడి ఎక్కువగా ఉంటుంది. ప్రమాదాలు జరిగినప్పుడు, ఎమర్జెన్సీ సమయాల్లో ఉపయోగపడే ఓ సేఫ్టీ టూల్ను ఈ యాప్లో పొందుపర్చారు. దాని ద్వారా పోలీస్, అగ్నిమాపక, మెడికల్ అసిస్టెన్స్, ఫారెస్ట్ అధికారులు, ఫుడ్ సేఫ్టీ అధికారులకు ఒకేసారి సమాచారం అందిచేందుకు వీలవుతుంది. ఫలితంగా అనుకోని సంఘటనలు జరిగినప్పుడు అధికారులు వెంటనే స్పందించి చర్యలు తీసుకునే వీలుంటుంది. ఈ "స్వామి" చాట్బాట్ ద్వారా ఆధ్యాత్మికతకు సాంకేతికతను అనుసంధానించడం ద్వారా తీర్థయాత్రల అనుభవాన్ని మెరుగపరడంచలో ఓ కీలక ముందడుగు పడినట్లైంది.
ఫుడ్ ఐటెమ్స్ ధరలివే!
శబరిమల తీర్థయాత్ర సీజన్లో అన్ని హోటళ్లు, రెస్టారెంట్లు ధరల జాబితాను ప్రదర్శించాలని పతనంతిట్ట కలెక్టర ఎస్ ప్రేమకృష్ణన్ ఆదేశాలు జారీ చేశారు. 2025 జనవరి 25 వరకు కచ్చితంగా ధరల లిస్ట్ ప్రదర్శించాలని తెలిపారు. అయ్యప్ప దేవాలయం ఉన్న పతనంతిట్ట జిల్లాలో భక్తులు తినుబండారాల ధరల విషయంలో సమస్య ఎందుర్కొంటారు. యాత్ర సమయంలో అనేక ఫిర్యాదులలు వస్తాయి. వీటన్నింటినీ దృష్టిలో ఉంచుకుని ప్రతి ఏడాది అధికారులు మార్గదర్శకాలు జారీ చేస్తున్నారు.
| ఐటెమ్ | క్వాంటిటీ | గరిష్ఠ ధర | సన్నిధానం | పంబా/నిలక్కల్ |
| టీ | 150ml | రూ.14 | రూ.12 | రూ.11 |
| కాఫీ | 150ml | రూ.13 | రూ.12 | రూ.11 |
| డార్క్ కాఫీ/డార్క్ టీ | 150ml | రూ.11 | రూ.10 | రూ.9 |
| టీ/కాఫీ | 150ml | రూ.12 | రూ.11 | రూ.10 |
| ఇన్స్టంట్ కాఫీ(మెషీన్ కాఫీ) | 150ml | రూ.21 | రూ.18 | రూ.18 |
| ఇన్స్టంట్ కాఫీ(మెషీన్ కాఫీ) | 200ml | రూ.24 | రూ.22 | రూ.22 |
| బాన్విటా/హార్లిక్స్ | 150ml | రూ.27 | రూ.25 | రూ.26 |
| దాల్ వడ | 40గ్రా | రూ.16 | రూ.14 | రూ.11 |
| బోండా | 75గ్రా | రూ.15 | రూ.13 | రూ.10 |
| బజ్జి | 30గ్రా | రూ.13 | రూ.12 | రూ.10 |
| దోష(ఒకటి) చట్నీ, సాంబార్తో | 50గ్రా | రూ.14 | రూ.13 | రూ.12 |
| ఇడ్లీ(ఒకటి) చట్నీ, సాంబార్తో | 50గ్రా | రూ.15 | రూ.14 | రూ.12 |
| చపాతి(ఒకటి) | 40గ్రా | రూ.15 | రూ.14 | రూ.11 |
| పూరి(ఒకటి) మసాలాతో కలిపి | 40గ్రా | రూ.16 | రూ.14 | రూ.12 |
| పరోటా(ఒకటి) | 50గ్రా | రూ.16 | రూ.14 | రూ.11 |
| పలప్పం | 50గ్రా | రూ.14 | రూ.13 | రూ.10 |
| ఇడియప్పం | 50గ్రా | రూ.14 | రూ.13 | రూ.10 |
పతనంతిట్ట కలెక్టర్ జారీ చేసిన మిగతా మార్గదర్శకాలు ఇవే
- పతనంతిట్టా జిల్లా నలుమూలను నుంచి శబరిమలకు దారి తీసే అన్ని రహదారుల వెంబడి వంటలు చేయడం నిషేదం. ముఖ్యంగా పార్కింగ్ స్థలాల్లో వంటలు చేయకూడదు.
- లాహ నుంచి సన్నిధానం వరకు ఉండే రెస్టారెంట్లలో ఒకేసారి 5 సిలిండర్లు మాత్రమే ఉండాలి. బహిరంగ ప్రదేశాల్లో ప్రమాదకరంగా సిలిండర్లు నిల్వ చేయడం నిషేధం.
- పంపా నుంచి సన్నిధానం వెళ్లే దారిలో అనుమతి లేని దుకాణాలు నిషేధం. యాత్ర దారుల్లో పశువులు మేపడం నిషిద్ధం. ఈ మార్గదర్శకాలు జనవరి 25 వరకు అమలులో ఉంటాయి.
