ముకేశ్ అంబానీకి చెందిన టెలికాం దిగ్గజం రిలయన్స్ జియోలో మరో విదేశీ సంస్థ భారీ పెట్టుబడులకు సిద్ధమైంది. ప్రముఖ టెక్ ఇన్వెస్టర్ సిల్వర్ లేక్ జియోలో రూ.5,655.75 కోట్లతో 1.15 శాతం వాటా కొనుగోలుకు చేయనున్నట్లు రిలయన్స్ ప్రకటించింది. ఈ మేరకు ఇరు సంస్థల మధ్య ఒప్పందం పూర్తయినట్లు తెలిపింది.
సామాజిక మాధ్యమ దిగ్గజం ఫేస్బుక్ ఇటీవలే రూ.43,574 కోట్లతో జియోలో 9.99 శాతం వాటా కొనుగోలు చేసింది.
సిల్వర్ లేక్ పెట్టుబడితో జియో ప్లాట్ఫాం ఈక్విటీ విలువ రూ.4.90 లక్షల కోట్లకు, ఎంటర్ప్రైజెస్ విలువ రూ.5.15 లక్షల కోట్లకు పెరగనున్నట్లు రిలయన్స్ వెల్లడించింది.
జియో, సిల్వర్ లేక్ ఒప్పందానికి నియంత్రణ సంస్థల అనుమతి లభించాల్సి ఉంది.
ఇదీ చూడండి:రిలయన్స్ కేజీ-డీ6 క్షేత్రాల్లో గ్యాస్‌ ఉత్పత్తి వాయిదా
