అత్యంత ప్రజాదరణ పొందిన మెసేజింగ్‌ యాప్‌ వాట్సాప్.. ఎప్పటికప్పుడు సరికొత్త ఫీచర్లతో వినియోగదారుల ముందుకు వస్తోంది. ఫేస్‌బుక్‌కు చెందిన వాట్సాప్ ఇప్పుడు మరో ఫీచర్తో ఆకట్టుకునేందకు సిద్ధమైంది.
రాంగ్ కాల్స్కు అడ్డుకట్ట..!
సాధారణంగా ఎవరి ఫోన్ నెంబర్ అయినా మనం సేవ్ చేసుకోవాలంటే కాంటాక్ట్ మెనూకు వెళ్లి అక్కడ టైప్‌ చేసి.. యాడ్‌ కాంటాక్ట్ కొట్టి, ఆపై పేరు సేవ్ చేసుకుంటాం. ఒకట్రెండు నెంబర్లైతే ఓకే. అదే పదుల సంఖ్యలో ఉంటే? ఇలాంటి సందర్భాల కోసమే వాట్సాప్ ఈ సరికొత్త ఫీచర్ను తీసుకురాబోతోంది. పైగా మాన్యువల్గా టైప్‌ చేసేటప్పుడు కొన్నిసార్లు పొరపాటున ఒక నెంబర్‌కు బదులు మరో నెంబరుతో కాంటాక్ట్ ఫీడ్ చేసుకునే పరిస్థితి కూడా ఉంది. ఇక నుంచి అలాంటి ఇబ్బందులకు చరమగీతం పాడవచ్చు.
ఎవరి నంబర్ అయినా మన మొబైల్లో సేవ్ చేసుకోవాలంటే వాట్సాప్‌లోని వాళ్ల క్యూర్‌ కోడ్‌ను స్కాన్ చేస్తే చాలు ఆటోమేటిక్‌గా ఆ కాంటాక్ట్ మన ఫోన్‌లో యాడ్‌ అయిపోతుంది. ప్రస్తుతం ఇది బీటా వెర్షన్లో ప్రయోగాత్మకంగా పరిశీలిస్తున్నారు. వాట్సాప్ సెట్టింగ్స్‌ మెనులో ఈ ఆప్షన్‌ను తీసుకురానున్నారు. ఈ ఆప్షన్ అందుబాటులోకి వస్తే మాన్యువల్గా సేవ్ చేసుకోవాల్సిన కాంటాక్ట్‌లు ఒక్క స్కాన్తో యాడ్‌ అయిపోతాయి.
