లాభాల్లో ముగిసిన మార్కెట్లు.. నిఫ్టీ@10,800 - సెన్సెక్స్

నేటి స్టాక్ మార్కెట్లు

Published : Jul 7, 2020, 9:36 AM IST

Updated : Jul 7, 2020, 4:17 PM IST

15:41 July 07

ఒడుదొడుకుల్లోనూ లాభాలే..

స్టాక్ మార్కెట్లు ఆరంభంలో ఒడుదొడుకులు ఎదుర్కొన్నా చివరకు లాభాలతో ముగిశాయి. సెన్సెక్స్ 187 పాయింట్లు బలపడి 36,674 వద్ద స్థిరపడింది. నిఫ్టీ 36 పాయింట్ల లాభంతో 10,800 వద్దకు చేరింది.

బ్యాంకింగ్, ఐటీ షేర్లు లాభాలు నమోదుచేశాయి.
బజాజ్ ఫినాన్స్, ఇండస్ఇండ్ బ్యాంక్, బజాజ్ ఫిన్సర్వ్, ఇన్ఫోసిస్, ఐసీఐసీఐ బ్యాంక్, యాక్సిస్ బ్యాంక్ షేర్లు లాభపడ్డాయి.
పవర్గ్రిడ్, ఎన్టీపీసీ, ఐటీసీ, టాటా స్టీల్, ఓఎన్జీసీ, అల్ట్రాటెక్ సిమెంట్ షేర్లు నష్టపోయాయి.

13:24 July 07

మళ్లీ లాభాలు..

మిడ్ సెషన్లో నమోదైన నష్టాల నుంచి నెమ్మదిగా తేరుకుంటున్నాయి సూచీలు. సెన్సెక్స్ ప్రస్తుతం 110 పాయింట్లకు పైగా పుంజుకుని 36,601 వద్ద ట్రేడవుతోంది. నిఫ్టీ 10 పాయింట్ల స్వల్ప లాభంతో 10,775 వద్ద కొనసాగుతోంది.

ఆర్థిక, ఐటీ షేర్లు లాభాలకు దన్నుగా నిలుస్తున్నాయి.
బజాజ్ ఫినాన్స్, ఇండస్ఇండ్ బ్యాంక్, ఐసీఐసీఐ బ్యాంక్, ఇన్ఫోసిస్, బజాజ్ ఫిన్సర్వ్, యాక్సిస్ బ్యాంక్ షేర్లు లాభాల్లో ఉన్నాయి.
ఎం&ఎం, పవర్ గ్రిడ్, ఐటీసీ, అల్ట్రాటెక్ సిమెంట్, ఎన్టీపీసీ షేర్లు నష్టాల్లో ఉన్నాయి.

11:26 July 07

లాభాల స్వీకరణ..

స్టాక్ మార్కెట్లు మిడ్ సెషన్ ముందు నష్టాల్లో ట్రేడవుతున్నాయి. సెన్సెక్స్ 140 పాయింట్లకుపైగా కోల్పోయి 36,345 వద్ద ట్రేడవుతోంది. నిఫ్టీ 50 పాయింట్లకుపైగా నష్టంతో 10,709 వద్ద కొనసాగుతోంది.

ఇటీవలి లాభాలను మదుపరులు సొమ్ము చేసుకునే పనిలో పడటం నష్టాలకు కారణంగా తెలుస్తోంది.
బజాజ్ ఫినాన్స్, ఇన్ఫోసిస్, ఇండస్ఇండ్ బ్యాంక్, బజాజ్ ఫిన్సర్వ్, ఏషియన్ పెయింట్స్ షేర్లు లాభాల్లో ఉన్నాయి.
పవర్గ్రిడ్, ఎం&ఎం, టాటా స్టీల్, ఐటీసీ, ఎస్బీఐ షేర్లు నష్టాల్లో ఉన్నాయి.
రికార్డు స్థాయి లాభాల నుంచి రిలయన్స్ కాస్త వెనక్కి తగ్గింది.

09:48 July 07

అమ్మకాలపై దృష్టి..

ప్రారంభమైన కొద్ది సేపటికే స్టాక్ మార్కెట్లు ఒడుదొడుకుల్లోకి జారుకున్నాయి. ఇటీవలి వరుస లాభాల నేపథ్యంలో మదుపరులు అప్రమత్తంగా వ్యవహరిస్తుండటం ఇందుకు కారణంగా తెలుస్తోంది.

సెన్సెక్స్ ప్రస్తుతం 36,488 పాయింట్ల వద్ద ఫ్లాట్గా ట్రేడుతోంది. నిఫ్టీ 10,760 వద్ద ఫ్లాట్గా కొనసాగుతోంది.

09:15 July 07

కొనసాగుతున్న లాభాలు..

స్టాక్ మార్కెట్లు మంగళవారం స్వల్ప లాభాలతో ప్రారంభమయ్యాయి. బొంబాయి స్టాక్ ఎక్స్ఛేంజీ సూచీ-సెన్సెక్స్ 80 పాయింట్లకుపైగా బలపడి 36,572 వద్ద కొనసాగుతోంది. జాతీయ స్టాక్ ఎక్స్ఛేంజీ సూచీ-నిఫ్టీ 15 పాయింట్లకు పైగా లాభంతో 10,780 వద్ద ట్రేడవుతోంది.

ఐటీ షేర్లు ప్రధానంగా లాభాల్లో ఉన్నాయి.

30 షేర్ల ఇండెక్స్..

బజాజ్ ఫినాన్స్, ఎల్&టీ, ఇన్ఫోసిస్, టీసీఎస్, బజాజ్ ఫిన్సర్వ్, మారుతీ షేర్లు లాభాల్లో ఉన్నాయి.

పవర్గ్రిడ్, ఎం&ఎం, ఓఎన్జీసీ, యాక్సిస్ బ్యాంక్, ఐటీసీ షేర్లు నష్టాల్లో ఉన్నాయి.