స్టాక్ మార్కెట్లు: ఆరంభంలో అయ్యయ్యో.. ముగింపు భళా - షేర్ మార్కెట్లు

స్టాక్ మార్కెట్లు

Published : Jun 18, 2020, 9:56 AM IST

Updated : Jun 18, 2020, 3:59 PM IST

15:52 June 18

భయాలున్నా బుల్ జోష్..

సర్వత్రా ప్రతికూలతలు ఉన్నా స్టాక్ మార్కెట్లు గురువారం భారీ లాభాలతో ముగిశాయి. సెన్సెక్స్ 700 పాయింట్లు బలపడి 34,208 వద్ద స్థిరపడంది. నిఫ్టీ 210 పాయింట్లు పుంజుకుని 10,092 వద్దకు చేరింది.

సరిహద్దు వివాదాలు, దేశీయ రేటింగ్ తగ్గిస్తూ రేటింగ్ ఏజెన్సీలు నివేదికలు విడుదల చేయడం వంటి ప్రతికూలతల్లోనూ దిగ్గజ సంస్థలు రాణించడం లాభాలకు దన్నుగా నిలిచినట్లు విశ్లేషకులు చెబుతున్నారు.
బజాజ్ ఫినాన్స్, కోటక్ బ్యాంక్, యాక్సిస్ బ్యాంక్, పవర్ గ్రిడ్, హెచ్డీఎఫ్సీ బ్యాంక్, ఎస్బీఐ షేర్లు లాభాలను నమోదు చేసాయి.
ఓఎన్జీసీ, హెచ్యూఎల్, టీసీఎస్, భారతీ ఎయిర్టెల్, మారుతీ, సన్ఫార్మా షేర్లు నష్టాలను మూటగట్టుకున్నాయి.

14:19 June 18

బుల్ జోష్..

స్టాక్ మార్కెట్లలో బుల్ జోరు కొనసాగుతోంది. సెషన్ చివరి గంటలో సెన్సెక్స్ 610 పాయింట్లకుపైగా పెరిగి 34,124 వద్దకు చేరింది. నిఫ్టీ 190 పాయింట్లకుపైగా వృద్ధితో 10,071 వద్ద ట్రేడవుతోంది.

ఇంధన, ఎఫ్ఎంసీజీ రంగాలు తప్పా మిగతా షేర్లన్నీ లాభాల్లో ఉన్నాయి.

బజాజ్ ఫినాన్స్, పవర్గ్రిడ్, కోటక్ హ్యాంక్, హెచ్డీఎఫ్సీ, ఐటీసీ ప్రధానంగా లాభాల్లో ఉన్నాయి.

ఓఎన్జీసీ, సెస్లే, హెచ్యూఎల్, బజాజా అటో, సన్ఫార్మా షేర్లు నష్టాల్లో ఉన్నాయి.

13:24 June 18

కొనసాగుతున్న జోరు..

స్టాక్ మార్కెట్లు భారీ లాభాల్లో ట్రేడవుతున్నాయి. సెన్సెక్స్ దాదాపు 360 పాయింట్లు బలపడి 33,870 వద్ద ట్రేడవుతోంది. నిఫ్టీ 110 పాయింట్లకుపైగా లాభంతో 9,992 వద్ద ట్రేడింగ్ సాగిస్తోంది.

ఆర్థిక, విద్యుత్, లోహ రంగం షేర్లు సానుకూలంగా స్పందిస్తుండటం లాభాలకు ప్రధాన కారణం.
బజాజ్ ఫినాన్స్, పవర్గ్రిడ్, ఐటీసీ, ఎన్టీపీసీ, టాటా స్టీల్, హెచ్డీఎఫ్సీ లాభాల్లో ఉన్నాయి.
ఓఎన్జీసీ, బజాజ్ ఆటో, మారుతీ, నెస్లే, హెచ్యూఎల్, హీరో మోటోకార్ప్ షేర్లు నష్టాల్లో ఉన్నాయి. వాహన రంగంలో అమ్మకాల ఒత్తిడి కనిపిస్తోంది.

12:05 June 18

మిడ్ సెషన్లో దూకుడు..

స్టాక్ మార్కెట్లు మిడ్ సెషన్లో భారీ లాభాల దిశగా కదులుతున్నాయి. సెన్సెక్స్ దాదాపు 250 పాయింట్ల లాభంతో 33,760 వద్ద ట్రేడవుతోంది. నిఫ్టీ 80 పాయింట్లకుపైగా బలపడి 9,963 వద్ద ట్రేడింగ్ సాగిస్తోంది.

బజాజ్ ఫినాన్స్, పవర్గ్రిడ్, ఐటీసీ, టాటా స్టీల్, కోటక్ బ్యాంక్, హెచ్డీఎఫ్సీ, ఎన్టీపీసీ, భారతీ ఎయిర్టెల్ లాభాల్లో ఉన్నాయి.
మారుతీ, ఓఎన్జీసీ, హెచ్యూఎల్, నెస్లే, హీరో మోటోకార్ప్ నష్టాల్లో ఉన్నాయి.
హెవీ వెయిట్ షేర్లన్నీ దాదాపుగా సానుకూలంగా స్పందిస్తుండటం లాభాలకు ప్రధాన కారణం.

10:26 June 18

లాభాలొచ్చాయ్..

ఒడుదొడుకుల నుంచి లాభాల్లోకి దూసుకెళ్తున్నాయి స్టాక్ మార్కెట్లు. సెన్సెక్స్ 100 పాయింట్లకుపైగా పుంజుకుని 33,610 వద్ద ట్రేడవుతోంది. నిఫ్టీ 40 పాయింట్లకుపైగా లాభంతో 9,926 వద్ద కొనసాగుతోంది.

హెవీ వెయిట్ షేర్లు లాభాలకు దన్నుగా నిలుస్తున్నాయి.
బజాజ్ ఫినాన్స్, పవర్గ్రిడ్, ఐటీసీ, టాటా స్టీల్, ఇన్ఫోసిస్, హెచ్డీఎఫ్సీ, రిలయన్స్, ఎస్బీఐ షేర్లు లాభాల్లో ఉన్నాయి.
ఓఎన్జీసీ, టీసీఎస్, ఎల్&టీ, హెచ్యూఎల్, ఎన్టీపీసీ షేర్లు నష్టాల్లో ఉన్నాయి.
ఆసియాలో ఇతర ప్రధాన మార్కెట్లు.. హాంకాంగ్, దక్షిణ కొరియా, జపాన్ సూచీలు నష్టాలతో సెషన్ ప్రారంభించాయి. షాంఘై సూచీ మాత్రం లాభాల్లో ట్రేడవుతోంది.
ముడి చమురు ధరల సూచీ-బ్రెంట్ 0.71 శాతం తగ్గింది. అంతర్జాతీయ మార్కెట్లో బ్యారెల్ ముడి చమురు ధర 40.42 డాలర్లుగా ఉంది.

09:31 June 18

కొనసాగుతున్న అప్రమత్తత

స్టాక్ మార్కెట్లు గురువారం ఒడుదొడుకుల్లో ట్రేడవుతున్నాయి. బొంబాయి స్టాక్ ఎక్స్చేంజి సూచీ-సెన్సెక్స్ 40 పాయింట్లకుపైగా క్షీణతతో.. 33,468 వద్ద ట్రేడవుతోంది. జాతీయ స్టాక్ ఎక్స్చేంజి సూచీ-నిఫ్టీ దాదాపు 6 పాయింట్లు కోల్పోయి 9,906 వద్ద ఫ్లాట్గా కొనసాగుతోంది.

భారత్-చైనా సరిహద్దుల వెంబడి నెలకొన్న ఉద్రిక్తతల నేపథ్యంలో మదుపరులు ఆచితూచి వ్యవహరిస్తున్నారు.
ఇన్ఫోసిస్, పవర్గ్రిడ్, టాటా స్టీల్, బజాజ్ ఫినాన్స్, ఏషియన్ పెయింట్స్ లాభాల్లో ఉన్నాయి.
ఓఎన్జీసీ, ఐసీఐసీఐ బ్యాంక్, ఎన్టీపీసీ, కోటక్ బ్యాంక్, హెచ్డీఎఫ్సీ బ్యాంక్ షేర్లు నష్టాల్లో ట్రేడవుతున్నాయి.