అంతర్జాతీయ మార్కెట్ల నుంచి మిశ్రమ సంకేతాలు వస్తున్నా... కేంద్ర ప్రభుత్వం మరిన్ని ఆర్థిక సంస్కరణలు ప్రకటించవచ్చన్న ఆశలతో దేశీయ స్టాక్మార్కెట్లు రాణిస్తున్నాయి. హెచ్డీఎఫ్సీ ట్విన్స్, రిలయన్స్ లాభాలు పుంజుకోవడం మార్కెట్లకు కలిసివచ్చింది.
బొంబాయి స్టాక్ ఎక్స్ఛేంజి సూచీ సెన్సెక్స్ 175 పాయింట్లు లాభపడి 30 వేల 993 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 49 పాయింట్లు వృద్ధిచెంది 9 వేల 116 వద్ద ట్రేడవుతోంది.
పెరుగుతున్న కరోనా కేసులు ,వెంటాడుతున్న ఆర్థిక మాంద్యం భయాలు, విదేశీ పెట్టుబడుల ఉపసంహరణలు, పెరుగుతున్న నిరుద్యోగ సమస్యలు... మదుపరులను కాస్త ఆచితూచి వ్యవహరించేలా చేస్తున్నాయి. అమెరికా-చైనా మధ్య వాణిజ్య ఘర్షణ కూడా ఆందోళన కలిగిస్తోంది.
లాభనష్టాల్లో
బజాజ్ ఆటో, హీరో మోటోకార్ప్, హెచ్డీఎఫ్సీ ట్విన్స్, ఏషియన్ పెయింట్స్, నెస్లే ఇండియా, ఎస్బీఐ, మారుతి సుజుకి, సన్ఫార్మా రాణిస్తున్నాయి.
ఎమ్ అండ్ ఎమ్, ఎన్టీపీసీ, ఐటీసీ, ఓఎన్జీసీ, యాక్సిస్ బ్యాంకు, టెక్ మహీంద్రా, టాటా స్టీల్ నేలచూపులు చూస్తున్నాయి.
ఆసియా మార్కెట్లు
షాంఘై, సియోల్ స్టాక్మార్కెట్లు లాభాల్లో కొనసాగుతుండగా, టోక్యో, హాంకాంగ్ మార్కెట్లు నష్టాల్లో ట్రేడవుతున్నాయి. వాల్స్ట్రీట్ మాత్రం భారీ లాభాలతో ముగిసింది.
ముడిచమురు
అంతర్జాతీయ మార్కెట్లో ముడిచమురు ధర 0.92 శాతం పెరిగింది. ప్రస్తుతం బ్యారెల్ ధర 36.08 డాలర్లుగా ఉంది.
