అంతర్జాతీయంగా ముడి చమురు ధరలు తగ్గుముఖం పట్టడం స్టాక్మార్కెట్లపై సానుకూల ప్రభావం చూపింది. సెన్సెక్స్ 172 పాయింట్లు లాభపడి 40వేల 412 పాయింట్ల వద్ద ముగిసింది. నిఫ్టీ 53పాయింట్లు మెరుగుపడి 11వేల 910 పాయింట్ల వద్ద స్థిరపడింది. ప్రధానంగా ఆటో, ఐటీ, చమురు రంగ షేర్లు లాభపడ్డాయి.
ఎన్టీపీసీ షేర్లు అత్యధికంగా 2.77శాతం లాభపడగా.. ఓఎన్జీసీ, టెక్ మహీంద్రా, కోటాక్ బ్యాంక్, టీసీఎస్, ఏషియన్ పెయింట్స్, ఇండస్ఇండ్, టాటా మోటార్స్ షేర్లు 2 శాతానికి పైగా వృద్ధి సాధించాయి.
ఎస్ బ్యాంక్ షేర్లు వరుసగా రెండో రోజూ భారీగా కుప్పకూలాయి. 15.33 శాతం నష్టపోయాయి.
వేదాంత, హీరో మోటార్స్, ఎల్ అండ్ టీ, భారతీ ఎయిర్టెల్ షేర్లు 1.63 శాతం క్షీణించాయి.
ఇదీ చూడండి: ఆర్థిక పునరుజ్జీవం కోసం మరింత పదునుగా సంస్కరణలు
