వరుస నష్టాల అనంతరం స్టాక్మార్కెట్లు పుంజుకున్నాయి. అంతర్జాతీయంగా సానుకూల సంకేతాలతో సూచీలు లాభాల బాట పట్టాయి. ఐటీ, విద్యుత్తు రంగం మినహా బ్యాంకింగ్, ఫార్మా, ఎఫ్ఎంసీజీ, ఆటో రంగాల్లో కొనుగోళ్లు ఊపందుకున్నాయి.
బొంబాయి స్టాక్ ఎక్స్చేంజి సూచీ సెన్సెక్స్ 304 పాయింట్ల లాభంతో ప్రస్తుతం 38 వేల 152 వద్ద ట్రేడవుతోంది. జాతీయ స్టాక్ ఎక్స్చేంజి సూచీ నిఫ్టీ 84 పాయింట్లు పెరిగింది. ప్రస్తుతం 11 వేల 355 వద్ద కొనసాగుతోంది.
జులై డెరివేటివ్ కాంట్రాక్టుల గడువు ముగుస్తున్న నేపథ్యంలో మదుపరులు కాస్త జాగ్రత్తగా వ్యవహరించవచ్చని పేర్కొంటున్నారు నిపుణులు.
లాభాలు-నష్టాలు..
ఐసీఐసీఐ ప్రుడెన్షియల్, సెయిల్, జీ ఎంటర్టైన్మెంట్, సాగర్ సిమెంట్, భారతీ ఇన్ఫ్రాటెల్లు లాభాలు నమోదు చేశాయి. ముఖ్యంగా హెచ్డీఎఫ్ ట్విన్స్, ఇన్ఫోసిస్ మెరుగైన లాభాలతో ప్రారంభమయ్యాయి. ఐసీఐసీఐ ప్రుడెన్షియల్ 4 శాతంపైగా వృద్ధి చెందింది.
ఐడీఎఫ్సీ ఫస్ట్ బ్యాంక్, సిండికేట్ బ్యాంక్, ఏసియన్ పెయింట్స్, బయోకాన్, ఒబేరియో రియాల్టీ నష్టాల్లో ఉన్నాయి.
రూపాయి మారకం...
ఆరంభ ట్రేడింగ్లో రూపాయి స్వల్పంగా బలపడింది. డాలర్తో పోలిస్తే మారకం విలువ.. 68.96 వద్ద ఉంది.
