అతిపెద్ద దేశీయ ప్రభుత్వ రంగ బ్యాంక్ ఎస్బీఐ నికర లాభం 2020-21 మూడో త్రైమాసికంలో 7 శాతం తగ్గింది. డిసెంబర్తో ముగిసిన త్రైమాసికంలో స్టేట్ బ్యాంక్ లాభం రూ.5,196.22 కోట్లుగా నమోదైంది. సరిగ్గా ఏడాది క్రితం రూ.5,583.86 కోట్లు ఆర్జించినట్లు ఆ సంస్థ పేర్కొంది.
ప్రస్తుత ఆర్థిక సంవత్సరం మూడో త్రైమాసికంలో రూ.75,980.65 కోట్లు ఆదాయాన్ని ఆర్జించింది ఎస్బీఐ. గతేడాది ఇదే సమయంలో రూ.76,797.91 కోట్లుగా ఉంది.
ఏకీకృత ప్రాతిపదికన ఈ ఆర్థిక ఏడాది త్రైమాసికంలో ఎస్బీఐ సంబంధిత సంస్థల లాభం 5.8 క్షీణించి.. రూ.6,402.16 కోట్లుగా నమోదైంది. అంతకుముందు ఏడాది ఇదే సమయంలో రూ.6,797.25 కోట్లుగా ఉంది.
2020 డిసెంబర్ 31 నాటికి బ్యాంకుకు సబంధించిన నిరర్ధక ఆస్తుల విలువ 4.77శాతానికి తగ్గి.. రూ.1,17,244.23 కోట్లకు చేరింది. ఇది ఏడాది క్రితం 6.94శాతంతో రూ.1,59,661.19 కోట్లుగా ఉంది.
ఇదీ చదవండి: టీసీఎస్ను వెనక్కినెట్టి మళ్లీ నెంబర్వన్గా రిలయన్స్
