భారత్లో ఈ-కామర్స్ సంబంధించి ఫిబ్రవరి 1 నుంచి అమల్లోకి వచ్చిన నూతన ఎఫ్డీఐ నిబంధనల వల్ల తలెత్తే పరిణామాలను విశ్లేషిస్తున్నామని అమెజాన్ తెలిపింది. విక్రయదారులు, వినియోగదారులపై ప్రతికూల ప్రభావం లేకుండా చూసేందుకు ప్రయత్నిస్తున్నామని అమెజాన్ సీఎఫ్ఓ ప్రకటించారు. అన్ని నిబంధనలు, చట్టాలను ప్రకటిస్తామని తెలిపారు.
నూతన నిబంధనలివే...
నూతన నిబంధనల ప్రకారం... విదేశీ పెట్టుబడులున్న ఈ-కామర్స్ సంస్థ, తన పెట్టుబడులున్న విక్రయదారు ఉత్పత్తులను అమ్మటానికి వీలులేదు. దీనితో పాటు ఎక్స్క్లూజివ్ ఒప్పందాలు కూడా నిషేధం. ఒకే సంస్థ 25 శాతం కంటే ఎక్కువ అమ్మకాలు తన ప్లాట్ఫామ్ ద్వారా జరిపినట్లయితే ఈ విక్రయదారును ఈ-కామర్స్ సంస్థ నియంత్రణలో ఉన్నదానిగా పరిగణిస్తారు.
ఈ నిబంధనల ప్రకారం అమెజాన్ తన పోర్టల్ నుంచి క్లౌడ్టేల్, అప్పారియోలను తొలగించింది.
ఈ-కామర్స్ సంస్థలు ఒప్పందాలు, విదేశీ పెట్టుబడులతో భారీ డిస్కౌంట్లు ఇస్తున్నాయని, దీనితో నష్టపోతున్నామని చిన్న సంస్థలు గతంలో ప్రభుత్వానికి ఫిర్యాదు చేశాయి. వీటిని దృష్టిలో ఉంచుకొని ఈ నిర్ణయం తీసుకున్నట్లు తెలుస్తోంది.
