గత మూడు వారాల నుంచి స్టాక్ మార్కెట్లు భారీ నష్టాలను నమోదు చేస్తున్నాయి. మదుపరుల్లో నెలకొన్న భయాలతో మార్కెట్లు ఈ స్థాయిలో నష్టాలను మూటగట్టుకుంటున్నాయి. వీటికి గల కారణాలు సంక్షిప్తంగా మీ కోసం.
నేటి నష్టం..
- సెన్సెక్స్ 2,919 పాయింట్లు పతనమై..32,778 వద్ద స్థిరపడింది.
- నిఫ్టీ 868 పాయింట్ల నష్టంతో 9,590కు చేరింది.
- నేటి నష్టాలతో బీఎస్ఈ మదుపరుల సంపద రూ.11 లక్షల కోట్లు ఆవిరి
- బీఎస్ఈ లిస్టెడ్ కంపెనీల పూర్తి సంపద ప్రస్తుతం రూ.1,25,86,398.07 కోట్లు
మదుపరుల భయాలకు కారణాలు..
- బ్రిటన్ మినహా ఐరోపా దేశాల రాకపోకలపై 30 రోజుల నిషేధం విధిస్తూ అమెరికా అధ్యక్షుడు డొనాల్డ్ ట్రంప్ చేసిన ప్రకటన
- చమురు ఉత్పత్తి దేశాల మధ్య ఉత్పత్తి తగ్గించే ఒప్పందం కుదరక.. క్రూడ్ ధరలు రికార్డు స్థాయిలో పడిపోవడం
- కరోనా వైరస్ను అంతర్జాతీయ మహమ్మారిగా గుర్తిస్తూ డబ్ల్యూహెచ్ఓ చేసిన ప్రకటన
- ఆసియా సహా అంతర్జాతీయంగా ప్రధాన మార్కెట్లన్నీ భారీగా పతనమవ్వడం
- జర్మనీ జనాభాలో 70 శాతం మందికి కరోనా సోకే ప్రమాదం ఉందని ఆ దేశ ఛాన్స్లర్ ఏంజెలా మెర్కెల్ ప్రకటన చేయడం
- ఇటలీ సహ పలు ఇతర దేశాల్లో రోజు రోజుకు కరోనా మృతుల సంఖ్య పెరుగుతుండటం
- ఆర్థిక వృద్ధిపై ప్రపంచవ్యాప్తంగా నెలకొన్న ఆందోళనలు
- కీలక స్థాయి నుంచి సూచీలు మరింత కిందికి దిగజారడం కారణంగా మదుపరుల్లో ఆందోళనలు మొదలై మిడ్ సెషన్ తర్వాత అమ్మకాలపై దృష్టి సారించడం.
ఇదీ చూడండి:కరోనా దెబ్బకు స్టాక్ మార్కెట్ల 'లెక్కలు' తారుమారు
