కొవిడ్-19 కారణంగా విధించిన లాక్డౌన్తో చాలా సంస్థలు నష్టాలు ఎదుర్కొంటే.. 'పార్లే-జీ' మాత్రం రికార్డు స్థాయి అమ్మకాలతో లాభాల బాటలో దూసుకెళ్లింది. ఏకంగా ఎనభై ఏళ్ల సేల్స్ రికార్డులన్నీ కేవలం మూడే నెలల్లో తుడిచేసింది.
మార్చి, ఏప్రిల్, మే నెలల్లో భారీ స్థాయిలో అమ్మకాలు జరిగినట్లు తెలిపారు పార్లే సంస్థ ప్రతినిధులు. 1938లో ప్రారంభమైన ఈ సంస్థ లాక్డౌన్లో అత్యధిక అమ్మకాలు సాధించిందట. అయితే పూర్తి గణాంకాలు చెప్పేందుకు సంస్థ ప్రతినిధులు నిరాకరించారు. ఈ సేల్స్ వల్ల మార్కెట్ షేర్ 5 శాతం పెరిగినట్లు చెప్పారు. ఇందులో 80-90 శాతం వృద్ధి పార్లే-జీ బిస్కెట్ల అమ్మకాల వల్లే వచ్చినట్లు స్పష్టం చేశారు. ఈ సంస్థతో పాటు బ్రిటానియా గుడ్ డే, టైగర్, మిల్క్ బికీస్, బార్బన్, క్రాక్జాక్, మొనాకో, హైడ్ అండ్ సీక్ విపరీతంగా అమ్మకాలు సాధించాయి.
అవాక్కయ్యే విషయం...
ప్రపంచవ్యాప్తంగా ఎక్కువగా అమ్ముడయ్యే బిస్కెట్లలో 'పార్లే-జీ' సంస్థ టాప్లో ఉంటుంది. ప్రతిరోజు 400 మిలియన్ ప్యాకెట్లు అమ్ముడవుతాయని అంచనా. బిస్కెట్లను పక్కపక్కన చంద్రుడి నుంచి భూమికి పేర్చుకుంటూ వస్తే నెలలో ఉత్పత్తి అయ్యే వాటితో ఒక లైన్ గీయొచ్చట. అదే సంవత్సరానికి అమ్ముడయ్యే బిస్కెట్లను గనుక భూమి చుట్టూ పేరిస్తే.. ఏకంగా 192 సార్లు ధరణిని చుట్టేయొచ్చట. ప్రస్తుతం ఈ బిస్కెట్ల ధర కేజీ 177 రూపాయలుగా ఉంది. ఈ సంస్థకు దేశవ్యాప్తంగా 130 ఫ్యాక్టరీలు ఉన్నాయి.
