కేంద్ర ప్రభుత్వం ప్రతిష్టాత్మకంగా చేప్పట్టిన ‘'వన్ నేషన్, వన్ రేషన్ కార్డ్'’ పథకాన్ని జూన్ 1, 2020 నాటికి దేశవ్యాప్తంగా అమలు చేయనున్నట్లు కేంద్రమంత్రి రాంవిలాస్ పాసవాన్ సోమవారం ప్రకటించారు.
"జూన్ 1 నాటికి మొత్తం దేశంలో ‘వన్ నేషన్, వన్ రేషన్ కార్డ్’ పథకాన్ని అమలు చేస్తాం. ఈ పథకం కింద లబ్ధిదారుడు ఒకే రేషన్ కార్డును ఉపయోగించి దేశవ్యాప్తంగా ప్రయోజనాలను పొందగలుగుతారు."
- రాంవిలాస్ పాసవాన్, వినియోగదారుల వ్యవహారాలు, ఆహార, ప్రజా పంపిణీ మంత్రి
దేశంలోని 12 రాష్ట్రాల్లో నూతన సంవత్సరం సందర్భంగా ఈ పథకాన్ని ప్రారంభించినట్లు పాసవాన్ తెలిపారు. ఈ సదుపాయం కింద, ఈ రాష్ట్రాల లబ్ధిదారులు... వారు నివసిస్తున్న 12 రాష్ట్రాలలో ఎక్కడైనా రేషన్ను పొందవచ్చని మంత్రి వివరించారు. డిసెంబర్ 30, 2020 నాటికి ‘వన్ నేషన్, వన్ రేషన్ కార్డ్’ వ్యవస్థ తప్పకుండా దేశం మొత్తం అమలులోకి వస్తుందని చెప్పారు.
ఇదీ చూడండి: ఉబర్ ఈట్స్ ఇకపై జొమాటో సొంతం.. భారత్లో మాత్రమే
