ఎస్ బ్యాంకుపై మారటోరియాన్ని మార్చి 18న ఎత్తివేయనుంది కేంద్ర ప్రభుత్వం. ఈ మేరకు సంక్షోభంలో ఎస్ బ్యాంకు కోసం ఆర్బీఐ రూపొందించిన పునరుద్ధరణ పథకాన్ని కేంద్రం నోటిఫై చేసింది.
ఆర్బీఐ రూపొందించిన ఎస్ బ్యాంకు పునరుద్ధరణ పథకం-2020 మార్చి 13 నుంచి అమల్లోకి వచ్చిందని గెజిట్ నోటిఫికేషన్లో ప్రభుత్వం స్పష్టం చేసింది. అనంతరం 3 పని దినాల తర్వాత మార్చి 18న మారటోరియం ఎత్తివేస్తారు.
ఎండీ, సీఈఓ నియామకం..
ఈ నేపథ్యంలో ప్రస్తుతం ఎస్ బ్యాంకు పాలనాధికారిగా ఉన్న ప్రశాంత్ కుమార్ను.. పునరుద్ధరించిన బోర్డుకు మేనేజింగ్ డైరెక్టర్, సీఈఓగా నియమించింది.
ఎస్ బ్యాంకుపై మారటోరియం విధిస్తూ మార్చి 5 రాత్రి రిజర్వ్‌ బ్యాంక్‌ ఆదేశాలు జారీ చేసింది. ఖాతాదార్లకు నెలకు రూ.50 వేల ఉపసంహరణకు వీలుంటుందని తెలిపింది. అదే సమయంలో ఎస్ బ్యాంకు బోర్డును రద్దు చేసింది.
ఇదీ చూడండి: ఎస్ బ్యాంకు రానా కపూర్పై మరో సీబీఐ కేసు
