ఎల్​ఐసీ బీమా ప్రీమియం చెల్లింపునకు గడుపు పెంపు

కరోనా కారణంగా సకాలంలో ప్రీమియం చెల్లించలేని పాలసీదారులకు ఏప్రిల్​ 15 వరకు గడువు పొడిగించింది భారతీయ జీవిత బీమా సంస్థ (ఎల్​ఐసీ). దేశవ్యాప్తంగా ఆంక్షలు విధిస్తున్న సందర్భంగా ఈ మేరకు నిర్ణయం తీసుకుంది సంస్థ.

దేశంలో కరోనా కేసులు పెరుగుతున్న కారణంగా ప్రభుత్వం పలు ఆంక్షలు విధిస్తోంది. ఈ నేపథ్యంలో పాలసీదారులకు ఊరట కలిగించింది భారతీయ జీవిత బీమా సంస్థ (ఎల్​ఐసీ). కరోనా వ్యాప్తి కారణంగా సకాలంలో బీమా ప్రీమియం చెల్లించలేని పాలసీదారులకు గడువు పెంచింది. 2020, ఏప్రిల్​ 15 వరకు పొడిగిస్తున్నట్లు పేర్కొంది.

దేశంలో ఇప్పటి వరకు 341 మందికి వైరస్​ సోకింది. ఈ నేపథ్యంలో వైరస్​ వ్యాప్తి నియంత్రణకు ఇప్పటికే అనేక రాష్ట్రాలు లాక్​డౌన్​ విధించాయి. ప్రధాని మోదీ పిలుపు మేరకు దేశంలోని ప్రజలంతా ఆదివారం జనతా కర్ఫ్యూ పాటించారు.