భారత్లో జలవిద్యుత్ మినహా.. పునరుత్పాదక శక్తి ఉత్పత్తి సామర్థ్యం గురువారానికి 100 గిగావాట్లు దాటినట్లు కేంద్రం వెల్లడించింది. దీంతో ప్రపంచంలో అత్యధిక పునరుత్పాదక శక్తి ఉత్పత్తి సామర్థ్యం గల నాలుగో దేశంగా భారత్ నిలిచిందని పేర్కొంది. ఇది ఓ మైలురాయిగా నిలవనుందని తెలిపింది. సోలార్ విద్యుత్ ఉత్పత్తిలో 5వ స్థానం, పవన విద్యుత్ ఉత్పత్తిలో 4వ స్థానంలో కొనసాగుతున్నామని తెలిపింది.
ప్రస్తుతం 50 గిగావాట్ల సామర్థ్యం చేరే దిశగా కేంద్రాలు నిర్మిస్తున్నామని.. మరో 27 గిగావాట్లకు కేంద్రాలు నిర్మించనున్నామని ప్రభుత్వం తెలిపింది.
2022 నాటికి దేశంలో ఈ పునరుత్పాదక విద్యుత్ సామర్థ్యం 175 గిగావాట్లకు చేరుకోవాలన్నది కేంద్రం లక్ష్యం. ఈ లక్ష్యం 2030 నాటికి 450 గిగావాట్లుగా ఉంది.
ఇదీ చదవండి : 'కొవిడ్ సంక్షోభంలోనూ సాహసోపేత నిర్ణయాలు'
