భారత్తో ఇంటర్నెట్ వినియోగం వేగంగా పెరుగుతున్నట్లు ప్రముఖ టెలికాం ఉపకరణాల తయారీ సంస్థ ఎరిక్సన్ తెలిపింది. డేటా వినియోగంపై ఈ సంస్థ విడుదల చేసిన 'మొబిలిటి 2020 జూన్' నివేదికలో పలు కీలక విషయాలు వెల్లడించింది. అవి...
- 2019లో దేశంలో సగటున నెలకు ఒక యూజర్ 12 జీబీ డేటా వినియోగించాడు. ప్రపంచవ్యాప్తంగా ఇదే అత్యధిక సగటు వినియోగం. భవిష్యత్లో ఈ వినియోగం మరింత పెరగొచ్చు.
- 2025 నాటికి ఏకంగా ఒక యూజర్ నెలకు సగటున 25 జీబీ డేటా వినియోగించే అవకాశం ఉంది.
- దేశవ్యాప్తంగా 4 శాతం ఇళ్లలో మాత్రమే బ్రాడ్బ్యాండ్ కనెక్షన్లు ఉన్నాయి. ఇంకా చాలా మంది స్మార్ట్ఫోన్ ద్వారానే ఇంటర్నెట్ వినియోగిస్తున్నారు.
- కరోనా లాక్డౌన్తో ఇళ్లలో ఉండే బ్రాడ్బ్యాండ్ల ద్వారా ఇంటర్నెట్ వినియోగం 20 నుంచి 100 శాతం పెరిగింది.
- 2025 నాటికి దేశంలో డేటా ట్రాఫిక్ నెలకు 21 ఎక్సాబైట్లకు పెరగొచ్చు.
- ఈ స్థాయిలో డేటా వినియోగం పెరిగేందుకు దేశంలో స్మార్ట్ఫోన్ యూజర్లు, గ్రామీణ ప్రాంతాల్లో ఇంటర్నెట్ వాడకం, సగటు డేటా వినియోగం పెరగటం వంటివి తోడవ్వచ్చు.
- డేటా ధరలు తక్కువగా ఉండటం, వీడియోలు, ఇతర అవసరాలకు ఇంటర్నెట్ ఎక్కువగా వాడటం కూడా ఇందుకు కారణం కావచ్చు.
- 2025 నాటికి భారత్లో 410 మిలియన్లు (41 కోట్లు) మంది స్మార్ట్ఫోన్లు వినియోగిస్తారు.
- దేశంలో 2025 నాటికి 18 శాతం మంది 5జీ నెట్వర్క్ను, 64 శాతం మంది ఎల్టీఈ (4జీ), మిగతవారు 2జీ/3జీ నెట్వర్క్ వినియోగించే వీలుంది.
ప్రపంచవ్యాప్తంగా ఇలా..
- ప్రపంచవ్యాప్తంగా డేటా ట్రాఫిక్ 2019లో 33 ఎక్సాబైట్లుగా ఉంది. ఇది 2025 నాటికి 164 ఎక్సాబైట్లకు పెరగొచ్చు.
- 2020 చివరి నాటికి 190 మిలియన్ల మంది 5జీకి మారే అవకాశం ఉంది. 2025 నాటికి ఈ సంఖ్య 2.8 బిలియన్లు దాటొచ్చు.
- రానున్న రోజుల్లో ప్రపంచవ్యాప్తంగా చాలా మంది 5జీకి మారినా.. మార్కెట్లో ఎల్టీఈ (4జీ) అధిపత్యం కొనసాగుతుంది.
ఇదీ చూడండి:కరోనా కాలంలో బ్యాంకులు సరికొత్తగా...
