చైనా నుంచి 220 టన్నుల ఔషధాల తరలింపు

వచ్చే మూడు రోజుల్లో భారత్..​ చైనా నుంచి అత్యవసర ఔషధాలను తరలించనుందని విమానయాన శాఖ మంత్రి వెల్లడించారు. సుమారు 220 టన్నుల ఔషధ సరకులను పంపనున్నట్లు మంత్రి తెలిపారు.

రాబోయే మూడు రోజుల్లో చైనా నుంచి 220 టన్నుల అత్యవసర ఔషధ సరకులను విమానంలో తరలిస్తామని విమానయాన శాఖమంత్రి హర్దీప్‌ సింగ్‌ పూరి తెలిపారు. చైనా, ఇండియా ఎయిరోబ్రిడ్జ్‌ నుంచి ఈ నెలలో ఎయిర్‌ ఇండియా 300 టన్నుల ఔషధ కార్గోను తరలించిందని ఆయన వెల్లడించారు.

చైనా నుంచి 220 టన్నుల ఔషధాల తరలింపు

'రాబోయే మూడు రోజుల్లో ఎయిర్‌ ఇండియా, స్పైస్‌జెట్‌, బ్లూడార్ట్‌ కలిసి 220 టన్నుల అత్యవసర ఔషధ సరకులను తరలించాలన్నది ప్రణాళిక.'

- హర్దీప్‌సింగ్‌ పూరి ట్వీట్‌.

మే 3 తర్వాతే..

కొవిడ్-19​ను కట్టడి చేసేందుకు మార్చి 25 నుంచి దేశవ్యాప్తంగా లాక్‌డౌన్‌ అమల్లో ఉంది. ఈ నేపథ్యంలో విమానాలను నిలిపివేశారు. మే 3 తర్వాతే సేవల పునరుద్ధరణపై నిర్ణయాలు తీసుకుంటారు.

ఇదీ చదవండి: ఆరోగ్య రంగానికి కరోనా నేర్పిన పాఠాలివే...