నీటి నుంచి సమర్థవంతంగా హైడ్రోజన్ ఇంధనాన్ని తయారు చేసే విధానాన్ని అభివృద్ధి చేశారు అర్కాన్సాస్ విశ్వవిద్యాలయం, అర్గోన్ నేషనల్ ల్యాబ్కు చెందిన పరిశోధకులు. ఈ రెండు సంస్థలకు చెందిన శాస్త్రవేత్తలు సంయుక్తంగా ఈ పరిశోధనలు నిర్వహించారు. ఈ పక్రియకు అయ్యే ఖర్చు చాలా తక్కువని వారు పేర్కొన్నారు.
ఇదివరకే ఈ విధానం ఉంది కానీ...
ఇదివరకే హైడ్రోజన్ ఇంధన తయారీ తెలిసినప్పటికీ దీనికి ఉపయోగించే వస్తువుల ధర అధికంగా ఉండటంతో పాటు, సంపూర్ణ విధానం లేదు. ప్రస్తుత విధానంలో ఇంధన తయారీ పక్రియకు తక్కువ ధర వస్తువులైన నికెల్, ఇనుమును వాడుతున్నారు. దీని వల్ల ఈ పక్రియకు అయ్యే ఖర్చు సగానికి సగం తగ్గిపోయింది.
ఈ విధానంలో నికెల్, ఇనుమును ఉపయోగించి నీటిని అణువుల రూపంలో విడగొడతారు. ఆ తర్వాత ఆక్సిజన్ను, హైడ్రోజన్ను వేరు చేసి హైడ్రోజన్ ఇంధనాన్ని రూపొందిస్తారు.
ఈ విధానం పూర్తిగా అమల్లోకి వస్తే అటు ఇంధన కొరతకు, కాలుష్యానికి పరిష్కార మార్గాలు దొరికినట్లే.
