దేశవ్యాప్తంగా కరోనా వైరస్ తీవ్రత రోజురోజుకు ఆందోళనకర స్థాయిలో పెరుగుతున్న నేపథ్యంలో వర్క్ ఫ్రం హోం గడువును మరోసారి పొడిగించింది కేంద్రం. ఐటీ, బీబీఓ సంస్థలు తమ ఉద్యోగులకు డిసెంబర్ 31 వరకు వర్క్ ఫ్రం హోం ఇచ్చేందుకు వీలు కల్పించింది.
దేశంలో కరోనా వైరస్ వ్యాప్తి ప్రారంభ దశలో ఉన్నప్పుడు ఏప్రిల్ 30 వరకు వర్క్ ఫ్రం హోం వెసులుబాటు ఇచ్చింది కేంద్రం. తర్వాత కూడా కొవిడ్-19 కేసులు తగ్గకపోవడం వల్ల జులై 31 వరకు గడువు పెంచింది. ఇప్పుడు పరిస్థితులు మరింత ఆందోళనకరంగా మారటం వల్ల ఏకంగా డిసెంబర్ 31 వరకు గడువు పొడిగించింది.
ప్రస్తుతం ఐటీ సంస్థలు 85 శాతం వరకు ఉద్యోగులను వర్క్ ఫ్రం హోం చేయించుకుంటున్నాయి. తప్పనిసరి అవసరాలకు మాత్రమే కార్యాలయాల్లో ఉద్యోగులతో పనులు చేయిస్తున్నాయి.
సర్వీస్ ప్రొవైడర్ల నిబంధనల సడలింపు..
వర్క్ ఫ్రం హోం చేసే వారికి మెరుగైన సేవలు అందించేందుకు ఇంటర్నెట్ సర్వీస్ ప్రొవైడర్లకు టెలికాం విభాగం (డాట్) గతంలో పలు సడలింపులు ఇచ్చింది. ప్రస్తుత పరిణామాల నేపథ్యంలో ఆ సడలింపులనూ డిసెంబర్ 31 వరకు పొడిగించింది డాట్.
ఇదీ చూడండి:మేలో కొత్త ఉద్యోగుల సంఖ్య 3.18 లక్షలు
