దిగొచ్చిన బంగారం, వెండి- నేటి ధరలు ఇవే

బంగారం, వెండి ధరలు తగ్గుముఖం పట్టాయి. 10 గ్రాముల మేలిమి పుత్తిడి ధర మంగళవారం దాదాపు రూ.270 దిగొచ్చింది. వెండి ధర కిలోకు భారీగా తగ్గి.. రూ.63 వేల దిగువకు చేరింది.

బంగారం ధర మంగళవారం రూ.268 తగ్గింది. దేశ రాజధాని దిల్లీలో 10 గ్రాముల స్వచ్ఛమైన పసిడి ధర రూ.50,860 వద్దకు చేరింది.

అంతర్జాతీయ మార్కెట్లో పసిడి డిమాండ్ తగ్గటం వల్ల.. దేశీయంగా బంగారం ధరలు దిగొచ్చినట్లు విశ్లేకులు చెబుతున్నారు.

వెండి ధర కిలోకు భారీగా రూ.1,126 (దిల్లీలో) తగ్గింది. కిలో ధర ప్రస్తుతం రూ.62,189 వద్దకు చేరింది.

అంతర్జాతీయ మార్కెట్​లో ఔన్సు బంగారం ధర 1,901 డాలర్లకు తగ్గింది. వెండి ధర ఔన్సుకు 24.37 డాలర్ల వద్ద ఫ్లాట్​గా ఉంది.

ఇదీ చూడండి:సరళ్​ జీవన్ బీమా ఫీచర్లు, నిబంధనలు తెలుసా?