స్వల్పంగా తగ్గిన బంగారం, వెండి ధరలు

బంగారం, వెండి ధరలు మరోసారి తగ్గాయి. దిల్లీలో బుధవారం 10 గ్రాముల మేలిమి పుత్తడి ధర రూ.43,925 దిగువకు చేరింది. వెండి ధర రూ.331 క్షీణించింది.

దేశంలో బంగారం ధర స్వల్పంగా తగ్గింది. రాజధాని దిల్లీలో 10 గ్రాముల స్వచ్ఛమైన పసిడి ధర బుధవారం రూ.49 తగ్గి.. రూ.43,925వద్దకు చేరింది.

వెండి ధర దిల్లీ మార్కెట్​లో కిలోకు రూ. 331 క్షీణించింది. ప్రస్తుతం రూ.62,441 వద్ద ఉంది.

అంతర్జాతీయ మార్కెట్లకు అనుగుణంగా దేశీయంగా పసిడి ధరలు తగ్గాయని హెచ్​డీఎఫ్​సీ సీనియర్ ఎనలిస్ట్ తపన్ పటేల్​ వివరించారు.

అంతర్జాతీయ మార్కెట్​లో ఔన్సు బంగారం ధర 1,684 డాలర్ల వద్ద, వెండి ఔన్సుకు 24.09 డాలర్ల వద్ద ఫ్లాట్​గా కొనసాగుతున్నాయి.