శ్వాసకోశ సంబంధిత ఔషధ విభాగంలో సింహభాగం వాటాను కలిగి ఉన్న గ్లెన్మార్క్.. మధ్యస్థాయి నుంచి తీవ్రమైన అలెర్జీ సంబంధిత చికిత్సలకు ఉపయోగించే ఔషధ జెనరిక్ రకాన్ని అతి తక్కువ ధరల్లో అందుబాటులోకి తీసుకొచ్చింది. మొట్టమొదటి సారిగా అతి తక్కువ ధరల్లో అందుబాటులోకి తీసుకొచ్చిన ఈ ఔషధంతో శ్వాసకోస రోగులు మెరుగైన చికిత్స పొందగలరని నియంత్రణ సంస్థలకు ఇచ్చిన సమాచారంలో సంస్థ పేర్కొంది.
ఈ తరహా ఔషధాల్లో టాప్ పది బ్రాండ్ల సగటు ధర(75ఎండీ) రూ.365గా ఉండగా.. గ్లెన్మార్క్ విడుదల చేసిన 'రియాల్ట్రిస్ నాసికా స్ప్రే'(నాజిల్ స్ప్రే) ప్రారంభ ధర రూ.175 మాత్రమేనని తెలిపింది.
"గ్లెన్మార్క్ విడుదల చేసే ఈ ఔషధం శ్వాసకోస సంబంధిత వ్యాధులలో సమర్థమంతమైన ఉత్పత్తిగా నిలుస్తుంది. అంతేగాక దేశంలోని రోగులకు సరసమైన ధరలో అలెర్జీలకు ఔషధం అందుబాటులో ఉంటుంది."
-అలోక్ మాలిక్, ఇండియా ఫార్ములేషన్స్ గ్రూప్ వైస్ ప్రెసిడెంట్
ఈ ప్రకటనతో గ్లెన్మార్క్ ఫార్మా షేరు ధర బీఎస్‌ఈలో 0.14 శాతం పెరిగి రూ.577.45 వద్ద ట్రేడవుతోంది.
ఇవీ చదవండి: ఊబకాయానికి విప్లవాత్మక ఔషధం!
