ఈ కామర్స్ దిగ్గజం ఫ్లిప్కార్ట్ సమ్మర్ స్పెషల్ 'బిగ్ సేవింగ్ డేస్' ఆఫర్ ప్రకటించింది. ఈ ఆఫర్ మే 2న ప్రారంభమై 7న ముగియనుంది. ఫ్లిప్కార్ట్ ప్లస్ యూజర్లకు ఒక రోజు ముందుగానే (మే 1న) ఈ ఆఫర్ అందుబాటులోకి రానుంది.
స్మార్ట్ఫోన్లు, టీవీలు, గృహోపకరణాలపై ఈ సేల్లో భారీ డిస్కౌంట్ ఇవ్వనున్నట్లు ఫ్లిప్కార్ట్ తెలిపింది. ముఖ్యంగా యాపిల్, వివో, శాంసంగ్, షియోమీ ఆసుస్ ఫోన్లపై ప్రత్యేక ఆఫర్లు ఉన్నట్లు వెల్లడించింది. ఎలక్ట్రానిక్ ఉపకరణాలపై 80 శాతం వరకు, టీవీలపై 75 శాతం వరకు డిస్కౌంట్ ఇవనున్నట్లు తెలిపింది.
ఈ ఫోన్లపై భారీ డిస్కౌంట్..
శాంసంగ్ గెలాక్సీ ఎక్స్ 62 ధర రూ.17,999 నుంచి ప్రారంభం కానుంది. ఎఫ్ 41 (6జీబీ ర్యామ్+64 జీబీ స్టోరేజ్ వేరియంట్) రూ.12,999కే లభించనుంది. పోకో ఎక్స్3 (6జీబీ ర్యామ్+64 జీబీ స్టోరేజ్ వేరియంట్)ని రూ.14,999కి కొనుగోలు చేయొచ్చు.
ఫ్లాగ్షిప్ మొబైళ్ల విషయానికొస్తే.. ఐఫోన్ 11 రూ.44,999, ఆసుస్ రాగ్ ఫోన్ 3 రూ.41,999కు, ఐకూ 3 రూ.24,990కి లభించనున్నాయి. గూగుల్ పిక్సెల్ 4ఏ ధర రూ.26,999గా నిర్ణయించింది ఫ్లిప్కార్ట్.
ఈ ఆఫర్లన్నింటితో పాటు హెచ్డీఎఫ్సీ బ్యాంక్ కార్డ్ ద్వారా కొనుగోళ్లు జరిపే వారికి 10 శాతం తక్షణ డిస్కౌంట్ లభించనుంది. ఈఎంఐలకు కూడా ఈ ఆఫర్ వర్తించనున్నట్లు ఫ్లిప్కార్ట్ క్లారిటీ ఇచ్చింది.
ఇవీ చదవండి: హెచ్డీ సెట్-టాప్ బాక్స్లపై టాటా స్కై ఆఫర్ల మేళ!
జియో యూజర్లకు అదిరిపోయే 'ఐపీఎల్ ఆఫర్లు'
