డిసెంబర్ త్రైమాసికంలో.. విద్వేషపూరిత సమాచారానికి చెందిన 2కోట్ల 69లక్షల పోస్టులను తొలగించినట్టు ఫేస్బుక్ ఇండియా వెల్లడించింది. విద్వేష సమాచారానికి సంబంధించిన వీక్షణలు కూడా భారీగా తగ్గించినట్టు పేర్కొంది. వీటికి అంతర్జాతీయంగా 10వేల వీక్షణలు వస్తుంటే.. దేశంలో ఆ సంఖ్య 7-8 మాత్రమే ఉంటోందని స్పష్టం చేసింది.
ఫేస్బుక్కు ప్రపంచవ్యాప్తంగా 184 కోట్ల మంది యూజర్లు ఉన్నారు. వీరిలో భారతీయులే అధికం. అయితే గత కొంత కాలంగా విద్వేషపూరిత సమాచారం నేపథ్యంలో సామాజిక మాధ్యమ దిగ్గజం.. తీవ్ర విమర్శలు ఎదుర్కొంటోంది. ఈ నేపథ్యంలో వాటిని తగ్గించినట్టు ఫేస్బుక్ చేసిన ప్రకటన ప్రాధాన్యం సంతరించుకుంది.
ఇదీ చూడండి: ఖాతాల తొలగింపునకు తలొగ్గిన ట్విట్టర్
