ప్రముఖ విమానయాన సంస్థ ఇండిగో ఎయిర్లైన్స్ ప్రేమికుల రోజును పురస్కరించుకొని అద్భుతమైన ఆఫర్‌ను ప్రకటించింది. వాలెంటైన్ సేల్ పేరుతో నాలుగు రోజుల పాటు రూ.999 ధరకే విమాన టికెట్లను విక్రయించనుంది. అన్ని రకాల రుసుములతో కలిపి ఈ ధరకు విమాన టికెట్లను అందుబాటులోకి తీసుకొచ్చింది.
ఇండిగో వాలెంటైన్ స్పెషల్ ఆఫర్ కోసం పది లక్షల సీట్లను కేటాయించింది. ఫిబ్రవరి 11న ప్రారంభమైన ఈ అమ్మకాలు ఫిబ్రవరి 14తో ముగియనున్నాయి. ఈ ఆఫర్ కింద టికెట్లు బుక్‌ చేసుకునేవారు మార్చి 1 నుంచి సెప్టెంబరు 30 మధ్య దేశంలో ఒక నగరం నుంచి మరో నగరానికి ఒకసారి ప్రయాణించవచ్చు.
"నాలుగు రోజుల పాటు స్పెషల్ సేల్‌ను అందుబాటులోకి తీసుకురావడం మాకు ఎంతో సంతోషంగా ఉంది. దీంతో ప్రేమికుల రోజు సంబరాలను మేము ముందుగానే ప్రారంభించాం."
- విలియం బౌల్టర్, ఇండిగో చీఫ్‌ కమర్షియల్ ఆఫీసర్‌
కార్పొరేట్ కస్టమర్లతో పాటు విహారయాత్రలకు వెళ్లే ప్రయాణికులు ఎవరైనా తమ అధికారిక వెబ్‌సైట్‌ ద్వారా టికెట్లు బుక్‌ చేసుకోవచ్చని ఇండిగో తెలిపింది.
ఇదీ చూడండి: దమ్మున్న 'డీమార్ట్' దమానీ
