'ఖనిజ చట్టాల సవరణ ఆర్డినెన్స్'​కు ఆమోదం

బొగ్గు గనుల వేలం కోసం ఉన్న నిబంధనలను సరళీకృతం చేసేందుకు కేంద్రం చర్యలు ముమ్మరం చేసింది. ఈ మేరకు బొగ్గు గనులను వేలం వేసి ఇతర రంగాలకు ఉపయోగించేలా రూపొందించిన ఆర్డినెన్స్‌ను కేంద్ర మంత్రి వర్గం ఆమోదించింది.

బొగ్గు గనులను వేలం వేసేందుకు ఉన్న నిబంధనలను సరళీకృతం చేసేలా చట్ట సవరణకు ప్రతిపాదించిన ఆర్డినెన్స్‌ను కేంద్ర మంత్రివర్గం ఆమోదించింది. బొగ్గు గనులను వేలం వేసి, ఉక్కు, విద్యుత్‌ రంగాలకు ఉపయోగించేలా ఈ ఆర్డినెన్స్‌ను రూపొందించారు.

ప్రధాని నరేంద్ర మోదీ అధ్యక్షతన నేడు కేంద్ర మంత్రివర్గం సమావేశమైంది. ఈ భేటీలో ఖనిజ చట్టాల సవరణ ఆర్డినెన్స్-2020కి మంత్రివర్గం ఆమోదం తెలిపిందని గనుల శాఖ మంత్రి ప్రహ్లద్‌ జోషి తెలిపారు.

46 ఇనుప ధాతువు గనులు సహా ఇతర గనులను 2020 మార్చి 31 తేదీ లోపు వేలం వేసేందుకు ఈ ఆర్డినెన్స్‌ అనుమతిస్తుంది.