రైతులకు మద్దతుగా 8న బ్యాంకులూ బంద్?

దేశ రాజధాని దిల్లీ సరిహద్దుల్లో రైతులు చేస్తున్న ఆందోళనకు రోజు రోజుకు మద్దతు పెరుగుతోంది. తాజాగా పలు బ్యాంక్ ఉద్యోగ​ సంఘాలు రైతులకు సంఘీభావం ప్రకటించాయి. ఈ నేపథ్యంలో రైతులు ఈ నెల 8న చేపట్టనున్న భారత్​ బంద్​లో బ్యాంకులు పని చేస్తాయా లేదా అన్నది సందేహంగా మారింది.

కేంద్రం తీసుకొచ్చిన నూతన వ్యవసాయ చట్టాలకు వ్యతిరేకంగా దిల్లీ సరిహద్దుల్లో రైతులు చేస్తున్న ఆందోళనకు.. రాజకీయ పార్టీలతో పాటు దేశవ్యాప్తంగా వివిధ సంఘాల నుంచి మద్దతు లభిస్తోంది.

తాజాగా రైతుల ఆందోళనకు సంఘీభావం తెలుపుతూ పలు బ్యాంక్ ఉద్యోగుల సంఘాలు ప్రకటన విడుదల చేశాయి.