ఆటో రిక్షాతో 'మొబైల్​ హౌస్'​.. మహీంద్రా ఫిదా

క్యారవాన్​.. సినీ, రాజకీయ, పారిశ్రామిక ప్రముఖులకు ఉండే ప్రత్యేక వాహనం. దాని ధర లక్షల్లో.. సామాన్యులకు అందనంత దూరంలో ఉంటుంది. కానీ, తమిళనాడుకు చెందిన ఓ యువకుడు.. లక్ష రూపాయల్లోనే క్యారవాన్​ రూపొందించాడు. ఆటో రిక్షాలో అన్ని హంగులతో మొబైల్​ హౌస్​ తయారు చేసి ఔరా అనిపించాడు. ఆ యువకుడి ఆలోచనకు ఆనంద్​ మహీంద్రా ఫిదా అయ్యారు.

ఎక్కువగా ప్రయాణాలు చేసే వారు తమకు సొంత క్యారవాన్​​ ఉంటే బాగుంటుందని కలలు కంటారు. కానీ, ఆర్థిక ఇబ్బందుల వల్ల చాలా మంది కల కలగానే మిగిలిపోతుంది. అలాంటి వారి కలలను నిజం చేస్తూ ఆటో రిక్షాలో, అత్యంత తక్కువ ధరలో, అన్ని హంగులతో మొబైల్​ హౌస్​ను రూపొందించాడు తమిళనాడు నమక్కల్​కు చెందిన ఎన్​జీ అర్జున్​ ప్రభు.

ఆటో రిక్షాలో మొబైల్​ హౌస్​

2019లో మూడు చక్రాల ఆటోపై ఉన్న కొద్ది స్థలంలోనే 'సోలో:01- మొబైల్​ హౌస్​'ను రూపొందించాడు ప్రభు. ఇందుకోసం రూ.లక్ష ఖర్చు చేశాడు. ఇందులో చిన్న కిచెన్​, పడక గది, బాత్​రూమ్, టాయిలెట్​, హాల్​, టెర్రస్​ వంటివి ఉండటం విశేషం. ఇలా 36 చదరపు అడుగుల్లోనే పోర్టబుల్​ ఇంటిని రూపొందించి అందరి మన్ననలు పొందుతున్నాడు ప్రభు.

ఎంఏఆర్​జీ ఇన్​స్టిట్యూట్​ ఆఫ్ డిజైన్​ అండ్​ ఆర్కిటెక్చర్​ స్వర్ణభూమి(ఎమ్​ఐడీఏఎస్​)లో ఆర్కిటెక్చర్​లో బ్యాచిలర్ డిగ్రీ పూర్తి చేశాడు అర్జున్​. ట్రక్కులు, చిన్న వాహనాల బాడీలను రీడిజైనింగ్​ చేయటంలో ప్రసిద్ధి చెందాడు.

ఆటో రిక్షాలో మొబైల్​ హౌస్​

ఇలాంటి పోర్టబుల్​ ఇళ్లు.. టెంట్లలో నివసించే సంచార వర్గాల వారికి చాలా ఉపయోగకరంగా ఉంటాయి.

ఆనంద్​ మహీంద్రా ప్రశంసలు..

ఈ సోలో:01 మొబైల్​ హౌస్​ ఫోటోలు సామాజిక మాధ్యమాల్లో వైరల్​గా మారాయి. మహీంద్రా గ్రూప్​ ఛైర్మన్​ ఆనంద్​ మహీంద్రా వరకు చేరాయి. ప్రభూ ఆలోచనకు ఆయన ఫిదా అయ్యారు. ఆ యువకుడిని ప్రశంసిస్తూ ట్వీట్​ చేశారు.

"చిన్న స్థలాల శక్తిని తెలిపేందుకు అర్జున్​ ఈ పని చేశారు. అలాగే కరోనా తర్వాత ప్రయాణాలు చేసేందుకు గొప్ప ట్రెండ్​ను సృష్టించనున్నారు. అతను బొలెరో పికప్​పైనా మరింత ప్రతిష్టాత్మక హౌస్​కు రూపకల్పన చేస్తారా? అని నేను అడగాలనుకుంటున్నా. ఎవరైనా అర్జున్​ను ఎలా సంప్రదించాలో చెబుతారా?" అని పేర్కొన్నారు.

• Apparently Arun did this to demonstrate the power of small spaces. But he was also on to a larger trend: a potential post-pandemic wanderlust & desire to be ‘always mobile.’ I’d like to ask if he’ll design an even more ambitious space atop a Bolero pickup. Can someone connect us? https://t.co/5459FtzVrZ

  — anand mahindra (@anandmahindra) February 27, 2021 " class="align-text-top noRightClick twitterSection" data="

  Apparently Arun did this to demonstrate the power of small spaces. But he was also on to a larger trend: a potential post-pandemic wanderlust & desire to be ‘always mobile.’ I’d like to ask if he’ll design an even more ambitious space atop a Bolero pickup. Can someone connect us? https://t.co/5459FtzVrZ

  — anand mahindra (@anandmahindra) February 27, 2021

  ">

  Apparently Arun did this to demonstrate the power of small spaces. But he was also on to a larger trend: a potential post-pandemic wanderlust & desire to be ‘always mobile.’ I’d like to ask if he’ll design an even more ambitious space atop a Bolero pickup. Can someone connect us? https://t.co/5459FtzVrZ

  — anand mahindra (@anandmahindra) February 27, 2021

ఇదీ చూడండి: ఇల్లెక్కిన స్కార్పియో.. మహీంద్రా ఫిదా