ప్రముఖ ఓటీటీ సంస్థ అమెజాన్.. వినియోగదారులకు మరింత చేరువయ్యేందుకు సన్నాహాలు చేస్తోంది. ప్రైమ్లో ఇక నుంచి 24 గంటలపాటు వార్తా ఛానళ్లు, స్పోర్ట్స్, మ్యూజిక్, అవార్డు కార్యక్రమాలు, ప్రత్యేక షోలు చూసేలా కొత్త ఆప్షన్ను అందుబాటులోకి తీసుకురానుంది.
ఈ విషయంపై అమెజాన్ అధికారిక ప్రకటన చేయనప్పటికీ ప్రిన్సిపల్ ప్రోడక్ట్ మేనేజర్ పోస్టు కోసం దరఖాస్తులు అహ్వానించడాన్ని చూస్తే అది స్పష్టం అవుతోంది. ప్రైమ్వీడియో లీనియర్ టీవీ విభాగంలో ఈ పోస్టు ఖాళీగా ఉన్నట్లు తెలిపింది. 24 గంటల టీవీ కంటెంట్ను నిర్వహించేందుకు సాంకేతిక అనుభవం ఉన్నవారికి అవకాశం ఇవ్వనున్నట్లు జాబ్ లిస్టింగ్లో పేర్కొంది.
నెట్ఫ్లిక్స్, డిస్నీ ప్లస్ వంటి ఓటీటీ సంస్థలు ఇప్పటికే టీవీ ఛానళ్ల ప్రసారాలను వినియోగదారులకు అందుబాటులో ఉంచాయి. వాటి నుంచి పోటీ ఎదుర్కొనేందుకే అమెజాన్ ప్రైమ్ కూడా ఈ సేవలను ప్రారంభించనుంది.
